E-Paper Utusan Borneo, Borneo Post dikelaluka di nengeri Johor - Berita Iban Online

Header Ads

  • Baru Nyadi

    E-Paper Utusan Borneo, Borneo Post dikelaluka di nengeri Johor

    TEPA: Managing Editor The Borneo Post, Francis Chan nyuaka tepa ngagai Menteri Besar Johor.
    MASAI, Johor: Menteri Besai Johor YAB Mohammed Khaled Nordin ngelaluka penatai E-Paper Utusan Borneo enggau Borneo Post ngagai nengeri nya.

    Ku iya, pemisi surat berita elektronik ba nengeri Johor deka meri pemaik ngagai peranak ari nengeri Sarawak ngambika sida ke gawa di nengeri nya nemu berita ke nyadi di nengeri asal diri.

    “Nengah surat berita tu dikearap peranak Sarawak ti gawa di nengeri Johor ditu ulih nemu berita ke nyadi di menua asal sida.

    “Nya mega beguna amat ngambika sida bulih berita ke amat nyadi di Sarawak sereta nyeliahka sida ari saru runding sentang berita ke enda manah pasal nengeri Sarawak,” ku iya lebuh ke bejaku Bejadi Pengerami Nyuaka Pemeri Beserimbai Enggau Hari Krismas sereta Ngelancharka E-Paper di Pasar Borneo Johor ditu pagi kemari.

    Berebak enggau nya, Menteri Besai mega besemaya deka ngintu peranak nengeri Sarawak ke gawa di Nengeri Johor kelebih agi di Pasir Gudang enggau manah seraya ngelalau sida ngambi negap sereta ngerapitka kaul enggau peranak asal di menua nya.

    Ku iya, diatu bisi 35 ribu iku penyampau peranak nengeri Sarawak di Johor. Penatai peranak Sarawak ke gawa di nengeri udah nyaup ngemansangka nengeri Johor, ku iya seraya madahka sida enda disiping sereta deka diintu enggau manah.

    Ku iya, kelimpah ari meri bantu ari sukut pemeri enggau mata duit, perintah nengeri Johor mega ngemendarka bansa Dayak di Johor muka palan dagang baka Pasar Borneo Johor ngambika bisi endur sida bejual sereta nambahka penatai pemisi.

    Iya mega meransang Gerempung Pasar Borneo Johor berundingka ngatur program bukai baka muka kelas tuisyen ti tau pulaika pemaik pekara pelajar anak sida.

    Dulu ari nya, Dato Henry Sum Agong ke mega Sapit Menteri Dagang Dalam Nengeri, Koperasi enggau Pekara Bebelika barang madahka nengah E-Paper Utusan Borneo enggau The Borneo Post deka ngemudahka agi peranak Sarawak di Johor ngulihka berita pasal nengeri asal sida.

    Ngena awak nya mega iya meransang peranak Sarawak di Johor ngambika bekerejasama enggau perintah nengeri Johor sereta ngena perengka guna ti disedia ngagai sida memanah kelimpah nyungkak penatai pemisi ruang bilik diri.

    Nyempulang pengerami nya kemari bisi diatur pengawa nyuaka baucher bantu besekula ngagai 130 iku anak peranak ari Sarawak ke besekula di nengeri nya, perais ungkup Pekit Ngias Bansal Bejual ke pemadu manah enggau perais ungkup Pekit Pasar Borneo Idol 2017.

    Sama bisi datai ngulu pengerami nya, Sapit Menteri Dagang Dalam Negeri, Koperasi enggau Pekara Bebeli Barang, Dato Henry Sum Agong, bala ketuai opis perintah enggau ketuai komuniti ke bukai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads