Header Ads

  • Berita Tebaru

    Formula chalun terus BN enda patut dikena napi PRU14

    PRU14
    KUCHING: Ari baruh prinsip Barisan Nasional (BN), semina chalun ari parti komponen BN aja ke tau bediri ngena tiket BN, pia ku Presiden Parti Sa’ati Rakyat Sarawak (SUPP) Datuk Dr Sim Kui Hian.

    “Chalun terus BN meseti dipesetuju Kaunsil Tetinggi BN,” ku iya.

    Sebedau tu SUPP madahhka parti nya ersebut dijamin BN Pusat ke alai sida tau bediri minta pilih ba semua tujuh kerusi parlimen ti udah diungkupka ngagai sida.

    Berebak enggau nya, Presiden Parti Rakyat Sarawak (PRS) Tan Sri James Masing madah, mantaika chalun terus ngarika BN dipeda ukai chara ke pemadu manah taja pan ulih nyaup bulih pemujur ba Pengawa Bepilih Besai Ke-14 (PRU14).

    Ku iya baru, Kepala Menteri ti mega Chairman BN Negeri Datuk Patinggi Abang Johari Tun Openg deka ngaga pemutus ba pekara nya.

    “Aku pechaya iya deka mutuska chara ke pemadu manah dikena mutarka penanggul nya ke nyadi dalam BN Sarawak kelebih agi bekaul enggau kerusi ti dikedekaka Parti Rakyat Bersatu (UPP) enggau Parti Sa’ati Rakyat Sarawak (SUPP),” ku iya. #DayakDaily

    No comments

    Post Top Ad