Gerija besai ungkup Kristian Methodist di Kapit deka digaga - Berita Iban Online

Header Ads

  • Baru Nyadi

    Gerija besai ungkup Kristian Methodist di Kapit deka digaga

    Datuk Alexander Nanta Linggi
    KUCHING: Raban Kristian Methodist di Kapit deka bisi sebuah gerija besai enda lama agi.

    Kaban Parlimen Kapit (MP) Datuk Alexander Nanta Linggi madah agih belanja penyampau RM5 juta udah diberi Kepala Menteri Datuk Patinggi Abang Johari ungkup tuju nya.

    “Ba penemuai Abang Johari ti keterubah mangku pengawa kepala menteri ke Kapit, aku bisi nelai iya diak kitai begunaka RM3 juta dikena ngaga gerija besai di Kapit.

    “Sebedau iya bejaku ngagai bala mayuh di Dewan Suarah Kapit maya nya, enda disadang, iya (Abang Johari) nyaut lalu madah tambah RM5 juta.

    “Nya alai kitai bisi RM5 juta ari Perintah Nengeri dikena ngaga Gerija Besai Methodist di Kapit,” ku iya.

    Nanta mansutka jaku nya ba pengerami Pre-Krismas Gerija Besai Methodist Iban Mengeri Kuching ke diatur di PCC Demak ditu, malam ensanus.

    Ngenang kaul ke sama, Nanta ke mega Sapit Menteri Pemansang Menua Pesisir enggau Kandang Menua madah pelin gerija baru nya udah digaga.

    Sekeda pengawa bukai bekaul enggau gerija ku iya deka diserenih lalu gerija deka berengkah digaga ba awak ke semak.

    Bela datai Presiden Sarawak Iban Annual Conference (SIAC) Rev Steward Damat Ngambang, Chairman pengatur Pengawa Cr Kamarau Entalai, Tr Adi Jala enggau orang bukai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads