Indu PBB Mulu patut ransing nambahka kaban, pengundi baru - Berita Iban Online

Header Ads

  • Baru Nyadi

    Indu PBB Mulu patut ransing nambahka kaban, pengundi baru

    Dato Gerawat Mulu
    MIRI: Komiti Indu Parti Pesaka Bumiputera Bersatu (PBB) Kunsil Nengeri (DUN) N78 Mulu dipinta ransing bejalaika tanggungpengawa nambahka penyampau pengundi enggau kaban baru sida.

    Sapit Speakar DUN, Dato Gerawat Mulu madah, nya endang pengawa ke berat dipangku sida dalam ngenegapka komiti parti.

    “Pengawa ngerejista kaban baru endang ngidupka parti. Diatu kitai udah manggai 8000 pengundi lalu penyampau nya patut ditambah,” ku iya.

    Gerawat madah munyi nya rambau nutup Aum Delegit Indu PBB Mulu ditu lemai kemari.

    Iya ke mega ADUN Mulu minta bala indu bejalaika servis enggau manah lalu ngatur aktiviti dikena ngerem­baika tanggungpengawa sida ungkup komuniti Mulu.

    Gerawat madah, indu enggau peransang ngagai tang­gungpengawa bala Apai enggau Nembiak PBB nyadi saup ari sida chukup dikeingat.

    Ngelansa pasal aum besai keterubah nya, iya muji semangat beserakup dalam milih kaban komiti.

    “Semangat tu mandangka kita ngemeratka pengawa parti lebih ari diri empu,” ku tandu iya.

    Iya mega muji pejalai aum ke chukup mujur nengah pengeransing sida rindu gawa ke rayat.

    Aum mega nyiri Datin Sri Mariam Balan nyadi Ketuai Indu PBB Mulu ungkup renggat 2017 ngagai 2020.

    Ungkup penuduk Sapit Ketuai dipangku Datin Cath­erine Awing Wan, Sekretari Datin Esther Mujan Balan, Pemantu Sekretari Nurul Hasnita Herbert Abdullah @ Loretta Herbert Madang, Tukang Wang Lilla Raja eng­gau Pemantu Tukang Wang Sally Bungan Bat.

    Kaban komiti ke udah dipadu iya nya Mary Uchat, Jacintha Lemin, Rita Aw­ing Lenjau, Betty Unggang, Lucy Bulan, Jennifer Pudeng Balang enggau Maria Sinah Maren Telutu. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads