Header Ads

  • Berita Tebaru

    Isu PMPG meseti diputar lengkas

    DIKEANDAL MANTU RAYAT: (Ari kiba) Annuar, Nanta, Abang Johari, Uggah enggau Fadillah rambau pengerami Bejadika Aum Deligit Pampang PBB Zon 8 di Sibu, ensanus.
    SIBU: Isu Pulau Galau (PG) enggau Pemakai Menua (PM) meseti diputar enggau jampat ngambika rayat ti bisi peminta ba isu nya ngasaika peminta sida dikeibuhka perintah ke megai diatu.

    Sapit Menteri Pemansang Menua Pesisir enggau Kandang Menua, Datuk Alex-ander Nanta Linggi ke lalu nyadi Mandal Presiden Parti Pesaka Bumiputera Bersatu (PBB) ngingatka isu tanah hak Adat Bansa Asal (NCR) nyadi isu pemadu semak ba ati rayat.

    “Laban ke nyadi siku pengari rayat datai ari bansa Bumiputera, aku mega deka nemu sereta udah nyadi tang-gungpengawa aku mantaika pekara ti nyadi penanggul lalu dibantaika rayat di pun menua iya nya bekaul enggau Pulau Galau enggau Pemakai Menua.

    “Nyema iya enda diputar memanah, iya ukai semina mai pengerugi tauka ngasaka raban ti minta tanah nya, tang mega tau ngeruga sukung rayat ngagai perintah Barisan Nasional (BN),” ku iya.

    Iya ke mega nyadi Ketuai Penyelaras Zon 8 mansutka jaku nya lebuh bejaku rambau pengerami Bejadika Aum Deligit Pampang PBB Zon 8 Pakan, Meluan, Ngemah, Machan, Tamin, Pelagus, Katibas, Bukit Goram eng-gau Baleh di sebengkah hotel tebilang ditu, ensanus.

    Aum deligit nya mujur dipenyadi Kepala Menteri Datuk Patinggi Abang Johari Tun Openg ke lalu nyadi Presiden PBB.

    Nya kebuah iya minta bala ketuai di renggat tetinggi ngambika meri perati khas ba isu peminta Pulau Galau enggau Pemakai Menua di nengeri tu dikena nambahka pengandal rayat ngagai perin-tah BN.

    Iya mega nyukung Sapit Kepala Menteri Datuk Amar Douglas Uggah Em-bas ti udah dipilih ngetuaika pengawa ngiga jalai mutarka isu nya, nyengkaum ngubah undang-undang bekaul.

    Dulu agi ari nya dalam jaku dipansutka iya, iya ngarika PBB Zon 8 sereta rayat di renggat pun menua mantaika sukung teguh di belakang Abang Johari bekaul enggau penetap, pemutus sereta pengawa dipejalaika perintah nengeri bekaul enggau Sem-pekat Malaysia 1963.

    Ku iya, nitihka pema-tut perintah nengeri enda ‘berkompromi’ ba pekara negika hak rayat Sarawak.

    “Pekara ti udah lenyau, tauka iya ti patut nyadi hak kitai lalu udah ditegika niang Tok Nan, endang patut dita-mpung ngambika kitai enda ditesal rebak dudi hari,” ku iya.

    Sama bisi datai Sapit Kepala Menteri Datuk Amar Doug-las Uggah Embas enggau Ketuai Nembiak PBB Datuk Seri Fadillah Yusuf, sereta Menteri Muda Pelajar enggau Pansik Teknologi Dr Annuar Rapa’ee. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: