Header Ads

  • Berita Tebaru

    Jaku Pandikar diasai lebih ngagai sentimen sereta nitih pengasai ati

    Paulus Palu Gumbang
    LIMBANG: Chairman Kelab Penyokong Barisan Nasional (BNBBC) Sarawak Paulus Palu Gumbang ngasaika penerang dipansutka Speaker Dewan Rakyat Datuk Pandikar Amin Mulia lebih ngagai sentimen sereta nitihka pengasai ati.

    Paulus ke mega Kaban Kunsil Nengeri (ADUN) Batu Danau madah, ulah Pandikar mai Kepala Menteri Datuk Patinggi Abang Johari Tun Openg belaban penemu pasal Sempekat Malaysia 1963 (MA63) nyengala mandangka penemu enggau runding ti limpang.

    “Ulah iya mai Kepala Menteri belaban penemu ukai chara ke betul laban ngasai diri enda ulih nerima penemu orang bukai.

    “Tambah mega, penemu dipansutka iya lebih ngagai ‘sentimen’ enggau nitihka asai ati (ringat) maya diansak media pasal pekara nya,” ku iya rambau mansuka penemu nya ngagai media ensanus.

    Paulus madah, jaku Pandikar mega mayuh ngujungka pengeringat rayat ba nengeri tu.

    “Aku pechaya dalam media rama, rayat ukai semina enda setuju enggau jaku iya, rabg nega ringat ngagai iya laban nyengala amat puntan meretika sentimen enggau juluk rayat Sabah enggau Sarawak,” ku iya.

    “Awakka rayat Sabah empu beratika iya ti nyadi ketuai politik,” ku iya.

    Paulus madah MA63 enda ulih diubah lalu nyengkaum pekara dalam MA63 semina ulih diubah nengah randau enggau aum begulai bala penyain sempekat nya.

    “Kebuah pia laban nya endang sebengkah sempekat entarabansa, ukai rang undang- undang ti dikemendarka Parlimen baka ke udah disebut sebedau tu, Parlimen enda ulih nempa sempekat entarabansa.

    “Enggau jaku puntan, Sabah, Sarawak, serakup perintah besai enggau United Kingdom patut berandau betungga dikena nempa enggau ngubah isi dalam sempekat,” ku iya.

    Pandikar maya bejadika bup ‘Berpisah Tiada’ madah nadai pemerat ti madahka Sabah enggau Sarawak sebaka sereta seikas enggau Tanah Melayu lalu pengawa beratika baru sempekat MA63 apin lama ke udah nya enda berat iga.

    Iya mega bisi mansutka jaku deka nerima sebarang aja orang ti deka belaban penemu enggau iya pasal isu tu. #UtusanBorneo

    No comments

    Post Top Ad