JPN nadai kala nyiri ejen ngaga dokumen pengelala - Berita Iban Online

Header Ads

  • Baru Nyadi

    JPN nadai kala nyiri ejen ngaga dokumen pengelala

    ADAT: Entulu (kanan) begulai enggau bala bukai baru tembu ngaduka piring nyerumba pengerami ke diatur ba Rumah Banyan Mawan, Sungai Wong, Ulu Mukah.
    SELANGAU: Mensia may­uh dialalu awakka enda mudah arap sereta nger­embaika berita selebubu bekaul enggau peminta dokumen pengelala diri khas ari Opis Pengereja Bansa (JPN) nengah media rama. Menteri ba Opis Menteri Besai Datuk Joseph Entulu Belaun madah, JPN enda kala nyiri sebarang ejen tauka orang kediri ngarika opis nya ba sebarang pen­gawa sida.

    “Semua dokumen rasmi opis semina dipansutka ba opis JPN lalu endang enda disadung ngagai mensia mayuh sepeneka ati.

    “Nya alai, aku ke ny­adi menteri megai tang­gungpengawa ngagai Tim Pengereja Pengawa Khas JPN minta mensia mayuh ngambika anang arap sereta ngerembaika penerang bula ba media rama dikena nye­liahka mensia mayuh saru penemu,” ku iya.

    Entulu madah munyi nya rambau bejadika Program Transformasyen Menua Pesisir Pelilih Selangau ba Rumah Banyan Mawan, Sungai Wong, Ulu Mukah, apin lama ke udah.

    Nengah jaku iya, Entulu minta peranak Selangau terus meri sukung enggau kerejasama ngagai program nyukat kelingi tanah Hak Adat Bumiputera (NCR) ke dipejalai Opis Tanah enggau Survei (JTS) nengah inisia­tif baru ba nengeri tu.

    Ku iya, kebuah pia lebuh tanah nya udah disukat kel­ingi chara kediri nyadi tanah nya deka ngembuan rega ke majak niki ba makit.

    “Kelimpah nya, iya mega ngemuntang mensia mayuh minta projek betanam bet­upi baka betanam sawit, getah enggau ke bukai,” ku iya.

    Berebak enggau nya, En­tulu ke mega Kaban Parli­men Selangau bisi ngelalau mensia mayuh minta lalu ngaduka baru peminta Ban­tu Rayat 1Malaysia (BR1M) ke udah berengkah dibuka 27 November nyentuk 31 Disember tu.

    Ba pengerami nya, iya mega bisi nyuaka pemeri penyampau RM30,000 nga­gai Komiti Pemansang eng­gau Pengelikun Genturung Pendiau (JKKK) Rumah Banyan Mawan enggau ger­an penyampau RM462,000 ngagai 14 JKKK rumah panjai, semilan gerempung, 18 Gerempung Apai Indai enggau Pengajar (PIBG) sereta 27 tadika KEMAS.

    Sama bisi datai Sekre­tari Politik Menteri ba Opis Menteri Besai Adri­ana Chumang Nyambong, Pemesai Pelilih Selangau Inting Nyami, Penghulu Richard Empaling, Pen­ghulu Sylvester Sallang, Penghulu Thomas Jawa, Kaunsilor Dali Merawing, 87 tuai rumah enggau urung 900 peranak Parlimen Se­langau. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads