Karnival Pra Krismas 2017 diatur 8 - 9 December - Berita Iban Online

Header Ads

  • Baru Nyadi

    Karnival Pra Krismas 2017 diatur 8 - 9 December

    Datuk Peter Nansian Ngusie
    KUCHING: Serakup Mansik enggau Pemansang Singai (REDEEMS) ti bepalan ba Genturung Pendiau Apar Singai ngatur Karnival Pra Krismas 2017 pengelama dua hari berengkah ari sehari tu.

    Presiden REDEEMS Datuk Peter Nansian Ngusie madah, sekumbang karnival ke berengkah ari 8 nyentuk 9 Disember tu, bemacham aktiviti bisi diatur.

    Ku iya, entara pengawa ke bisi diatur baka bnasal bejualka pemakai, kraf jari,tepa kena hari Krismas, lagu koir enggau mayuh macham pengawa bukai.

    “Nya alai, aku ngelaluka mensia mayuh datai sampal kelebih agi ti diau ba kandang menua Bau ngerami Karnival Mantar Krismas REDEEMS 2017,” ku iya.

    Iya madah munyi nya lebuh dikerandau pengarang berita pengudah abis atur pengawa nerima pelanja ari LEA Holding (M) Sdn Bhd, ke bela nyukung karnival nya, di LSC Sarawak Plaza ditu, kemari.

    Kelimpah ari nya, Nansian madahka, pekit ‘Street Soccer’ ke orang indu mega bisi diatur beserimbai enggau Karnival Mantar Krismas REDEEMS 2017.

    “Naka ke diatu, kami udah nerima lapan tim ke deka bepekit, laban ke taun tu, kami enda ngaga besai, lalu enti chukup jam ngaga mayuh agi program enggau pekit, taun baru tu ila kami deka ngaga proram tu besai agi,” ku iya.

    Ngenang sentang karnival ke diatur nya, Nansian madahka nya siti platform endur mantaika adat enggau main asal komuniti Bidayuh ba kandang menua nya.

    “Karnival tau nyadi endur ngedutka kaul dalam komuniti kelimpah meri awak ngagai tetiap iku bekunsika pengaga ati.

    “Nya kebuah, rambai jaku karnival tu mai reti ‘Mai Pengaga Ati Ngagai Dunya’ laban kami deka meda semua ke ngulu karnival tu, ngasaika pengaga ati beserimbai hari Krismas,” ku iya.

    Berebak enggau Direktor Besai LEA Holding (M) Sdn Bhd Raymond Sim Hee Pang madahka, ari sepiak sida iya sigi seruran nyukung program lumba enggau main di nengeri tu.

    Iya ngarapka kerejasama nya dipajakka belama, sereta nyukung pengawa ngatur mayuh macham lumba enggau main bukai di nengeri tu. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads