Ketuai raban bansa patut meri kerejasama tegap ngagai perintah - Berita Iban Online

Header Ads

  • Baru Nyadi

    Ketuai raban bansa patut meri kerejasama tegap ngagai perintah

    Datuk Masir Kujat madah
    SRI AMAN: Semua ketuai raban bansa sekalika nya  tuai rumah, penghulu, Pemanca enggau Temenggung dipinta bekerejasama tegap ngagai perintah ke pemaik pemansang rayat.

    Sapit Menteri Dalam Menua, Datuk Masir Kujat madah, mayuh projek pemansang ke dipejalai perintah patut diperunding sereta diterangka ngagai rayat.

    Kaban Parlimen Sri Aman nya madah, bala ketuai raban bansa patut bejalaika tanggungpengawa nyebar penerang ke betul baka projek pemansang ba sitak sida.

    “Rayat enda patut dikemelu bekaul enggau projek pemansang ari perintah.

    “Nya alai, tanggungpengawa ketuai raban bansa endang diguna amay dalam meri penerang bekaul enggau projek pemansang ungkup rayat,” ku iya rambau Pengerami Ketuai Begulai Enggau Rayat ba Rumah Sawai Egoh, Bukit Balau, Bakong Sri Aman kemari.

    Iya mega madah genap penerang bekaul enggau pemansang ungkup rayat enda patut dibalut enggau penanggul diri empu tauka pekara bukai.

    “Aku minta genap penerang pemansang nya bisi disukung enggau bukti lalu ketuai raban bansa payut berunding chara pemadu manah ngatur pengawa ba ejensi perintah,” ku iya.

    Ba pengerami nya, Masir bisi ngungkupka agih belanja 2018 penyampau RM30,000 ungkup 13 pintu rumah panjai nya lalu RM5,000 ungkup JKKK sereta Biro Indu sida. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads