Kus belagu, tanda asal deka terus digaga dikena nambahka pengelandik - Berita Iban Online

Header Ads

  • Baru Nyadi

    Kus belagu, tanda asal deka terus digaga dikena nambahka pengelandik

    Datuk Lee Kim Shin
    MIRI: Kus berenggat nyengkaum kus belagu enggau tanda asal deka dipejalaika Unit Pengawa Main Asal enggau Seni di bagi menua tu enda lama agi, meri peluang ngagai peranak menua tu ti bisi penau dikena ngiri pengelandik ngagai sida.

    Pengawa tu ke di baruh Opis Menteri Dagang Temuai, Seni, Main Asal, Nembiak enggau Lumba, ngemeratka pengawa pemerindang seni enggau main asal baka betanda, belagu enggau pemerindang teater muzikal.

    “Opis menteri aku di Kuching udah ngatur kus lalu nerima timbal chukup manah. Nya kebuah, manah endar meri peluang ngagai sida di Miri enggau kandang menua besemak, ngambika peranak menua ditu ti bepenau bisi peluang ke sama,” pia ku  Datuk Lee Kim Shin, Menteri Muda Dagang Temuai, Seni enggau Main Asal.

    Kus nya ku iya, bisi tagit 200 iku pesereta lalu manah agi enti sema sida ti rinduka pengawa betanda enggau belagu ulih ngambi bagi dalam kus nya.

    “Beberapa kus deka diatur bala pematih di bagi menua tu lalu siku orang ti tebilang dalam pekara tu iya nya Desmond Sagoh deka ngetuaika kelas. Tu endang engkeman raban nembiak ke bisi pengerindu ba panggau pemerindang belajar ari pematih pemadu nyulut menua tu,” ku Lee.

    Desmond Sagoh, diberita ngetuaika siti ari tim pemerindang pemadu nyulut ke udah nempa nama di menua tu enggau tikas antarabansa. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads