Header Ads

  • Berita Tebaru

    Lisin berikan ba tasik Sarawak deka dipatau perintah nengeri

    Datuk Amar Abang Johari Tun Openg
    KUCHING: Perintah Nengeri deka matau atur ngeluarka li­sin berikan di kandang tasik Sarawak lalu enggai atur nya dikuasa Perintah Besai.

    Kepala Menteri Datuk Amar Abang Johari Tun Openg madah semina Sarawak aja ke nemu bagi orang ke amat bebendar sereta ulih ngereja pengawa berikan di tasik.

    “Ketegal nya kitai deka matau atur ngeluarka lisin berikan lalu Kuala Lumpur udah setujuka pekara nya.

    “Kitai nemu bagi orang ke bisi pengulih meli kapal beri­kan, ngembuan penau berikan sereta beamat deka ngereja pengawa berikan,”ku iya.

    Abang Johari mansutka jaku nya ba Majlis Pengop­erasian Kapal KM Sri Aman di jeti Maritim Malaysia di Komplek Tun Abang Sala­huddin (KOMTAS) di Muara Tebas, kemari.

    Iya nambah atur matau pengawa ngeluarka lisin nya sigi udah dipejalai ba jeman Tok Nan.

    Kelimpah ari nya ku Abang Johari, Perintah mega udah ngeluarka belanja beratus juta dikena ngaga palan penyang­kai asil ikan di Tanjung Manis enggau Tanjung Bako.

    “Orang ke diberi lisin meseti bejalaika pengawa berikan anang meri lisin nya ngagai orang bukai.

    “Nadai reti kitai ngaga pa­lan penyangkai asil ikan enti enda diguna. Palan digaga ungkup pengelantang orang berikan sereta ngerembaika ekonomi sida,” ku iya. #UtusanBorneo

    No comments

    Post Top Ad