Header Ads

  • Berita Tebaru

    Main asal deka dibantai beserimbai Pengerami Makai Lemai Nembiak SDNU

    KENANG KITAI: Masing (tengah) begambar enggau bala temuai ari Nembiak Serakup Gerempung Sarawak Dayak National Union (SDNU) ke bisi betemu enggau iya ba opis iya di Masja Petra Jaya, Kuching, kena Hari Dua tu tadi.
    KUCHING:  Pampang Nembiak Gerempung Dayak Sarawak  (SDNU) deka mantaika pekit bibat lengan ba Pengerami Makai Lemai ti berambai leka jaku  ‘Malam Main Asal ‘ kena 3 Februari 2018 di Hotel Penview ditu.

    Gerempung nya mega deka mantaika pekit main Batak Lampung (iya nya siti ari pekit batak tali tang ngena  kayu), kelimpah ari mandangka pengelandik bekuntau, ajat sereta musik asal Dayak.

    Bedau lama tu tadi, raban nembiak SDNU ke direjista dalam taun 2015, bisi nemuai seraya ngagauka Sapit Kepala Menteri, Tan Sri Datuk Amar Dr James Jemut Masing nyadi patron ba pengerami makai lemai kelimpah nyadi temuai ti dipebasa.

    Masing ti mega Menteri Pemansang Infrastruktur enggau Perengka Pengangkut sereta ADUN Baleh setuju enggau penemu Nembiak SDNU, ke alai bibat lengan nya sebagi ari main lama sereta main ke merindang ati ba komuniti Iban.

    Taja pia,  nyau kelama main tu dipeda baka ke udah punas kelebih agi besemekih enggau lumba enggau main moden.

    Ambika chunto ku sida iya, pekit bibat lengan nadai dipasuk dalam Lumba enggau Main Malaysia (Sukma) tauka maya Lumba enggau Main pekit Olimpik.

    Ba randau nya mega, Masing meransang komiti tu mai bala orang indu masuk pekit bibat lengan sereta Batak Lampung.

    “Bai sida ke indu enggau pekit tu enggai ke dikumbai besiping enggau orang ke indu,” ku iya madah lebuh ngelaluka raban tu ti betuaika Ketuai Nembiak SDNU, Churchill Edward Drem, ti mega nyadi chairman pengatur pekit Pidato Iban UB-Aedil enggau Lagu Patriotik Iban, kena Hari Dua tu tadi.

    Ba atur pengerami nya ila, ‘Premier 101 Community Club’ (P1CC) P1CC udah setuju deka melanja perais ngagai pekit bibat lengan enggau Batak Lampung, ku iya.

    Berebak enggau nya, Churchill madahka rintai pengawa ke deka diatur SDNU ungkup taun 2018 baka deka ngatur aum tiga taun sekali nyengkaum bepilih dalam gerempung nya, ke penggal 2018 ngagai 2020 ba Hotel Kingwood Padungan, kena 10 Feb 2018, ditangkanka enggau pekit Mangkuk Futsal presiden SDNU Tan Sri William Mawan Ikom ba Palan Lumba enggau Main Jalai Stakan sereta bejadika unit Nembiak SDNU Stakan enggau Siol Kandis ba palan nya kena 24 Feb 2018.

    Mensia mayuh ke deka nemu silik agi pasal pengerami makai lemai kena 3 Februari nya tau betelefon ngagai Churchill nengah lumur 017-8081485. #UtusanBorneo

    No comments

    Post Top Ad