Masir terus ngenamping diri enggau rayat

Dato Masir Kujat

KUCHING: Kaban Parlimen Sri Aman Dato Masir Kujat kemari ngulu program ketuai begulai enggau Rayat di Rumah Stephen Karin, Selepong Brangan di Sri Aman.

Program ke diatur Komiti Pengelantang, Pengelikun enggau Pemansang (JKKK) Rumah Stephen Karin nyadi sebengkah agi program Masir ngenamping diri enggau rayat kelebih agi dalam kandang parlimen Sri Aman.

Ba program nya, Masir ke mega Sapit Menteri Dalam Menua bisi ngagihka belanja RM10,000 ungkup JKKK Rumah Stephen, RM3,000 ungkup Biro Orang Indu enggau RM20,000 ungkup pengawa pemansang di Selepong Brangan.

Iya ngarap agih belanja nya ulih dikena JKKK ngadu program ungkup pemaik peranak Selepong Brangan. #UtusanBorneo