Mayuh batang randau bekaul sape dipejurai nyerumba BYSF di Sibu - Berita Iban Online

Header Ads

  • Baru Nyadi

    Mayuh batang randau bekaul sape dipejurai nyerumba BYSF di Sibu

    Festival Sape Belia Borneo
    SIBU: Macham batang randau bekaul enggau sape tebantai beserimbai enggau Festival Sape Belia Borneo (BYSF) ke diatur ba Kampung Budaya 1Malaysia ditu, empai lama tu tadi.

    Forum tu diatur betuaika Direktor Muzik Kampung Budaya Sarawak Narawi Rashidi lalu digulu lebih 30 iku sida ke sama pengerindu nebah sape.

    Sekeda ari batang randau ke dipejurai maya tu iya nya sejarah sape, kuing tebah sape, sape dudi hari nyengkaum perambu mai sape nyadi sebengkah ari subjek pelajar muzik di sekula, chara ngaga sape enggau mayuh agi ke bukai.

    Maya forum lebih dua jam nya, iya mega bisi nyediaka awak tanya saut.

    Kelimpah ari nya, Narawi bela mantaika pengelandik iya nebah sape begulai enggau Jerry Kamit sereta beberapa iku tim ari Tuku Kame.

    Sekeda ari artis ke bisi datai maya forum tu iya nya erry Kamit, Saufi Aiman Yahya, Eugene Kuek, Rosemary Ilu Leto, Shafiqah Yusuf Ilu Leto, Ferinandus Lah enggau Julian Cottet Of France.

    BYSF ti keterubah iya diatur tu iya nya betuaika Gerempung Raban Nembiak Dayak Sarawak (PEBEDAS) enggau kerejasama Gerempung Sape Dayak Sibu (KSDS).

    Dikena ngelai penumbuh kelima taun PEBEDAS kelimpah nyukung Taun Nemuai Ke Sibu 2017 nyadi batang tuju pengerami tu diatur.

    Sama bela datai maya tu iya nya Presiden PEBEDAS Alexander Frederick Diglin, Sekretari Besai PEBEDAS Dalas Robert enggau Chairman KSDS Anthony Abong. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads