Mensia mayuh dipinta bejejimat nengah jalai alun lebuh musim kemisi, ku Lee - Berita Iban Online

Header Ads

  • Baru Nyadi

    Mensia mayuh dipinta bejejimat nengah jalai alun lebuh musim kemisi, ku Lee

    Tan Sri Lee Lam Thye
    SIBU: Beserimbai enggau hari Krismas enggau pengerami ujung taun kelimpah pulai ari kemisi panjai, mensia mayuh dipinta bejejimat nengah jalai alun.

    Chairman Institut Pemansik Pengelikun Jalai Alun Malaysia (MIROS) Tan Sri Lee Lam Thye madah, lalau tu kelebih agi patut diperati kompeni bas.

    Ku iya, kompeni bas meseti nentuka deriba bas chukup belelak sebedau dikemendarka bejalai jauh.

    “Kitai udah meda mayuh penusah bebadi ba jalai alun ti bepun ari bas.

    “Ngambika enda nyadi agi, keterubah kompeni bas patut beratika pekara tu kelebih agi nentuka deriba sida chukup belelak dulu sebedau deriba,” pia ku iya madah, ensana.

    Lee mantaika lalau nya sepengudah melabaka jalai alun serata menua tu deka sekut ketegal mensia mayuh ngintu hari Krismas.

    Kelimpah ari bas, jalai mega deka sekut laban mensia mayuh belabuh deka mulai kediri ngagai alai endur gawa sepengudah sida kemisi panjai.

    Ku iya, mayuh penusah bebadi diripotka nyadi ba serata menua tu ngujungka lebih 20 iti kes nabanka nyawa.

    “Ba aku, mensia mayuh empu meseti bejimat deriba lalu nitihka undang-undang jalai alun,” ku iya madah baru.

    Lee mega ngenggaika ulah bekenaka talipaun binching maya deriba laban tu deka nejuka orang ke deriba tau layap lalu ngujungka penusah bebadi nyadi.

    “Pia mega, bisi sekeda ngembuan ulah kelalu beguai, laun sereta jampat ka datai tang enda ngira pengelikun diri enggau orang bukai,” pia ku iya.

    Berindik ari nya, iya ngarapka mensia mayuh ngenatika pengelikun diri enggau diri sebilik sereta mensia mayuh ke bukai maya betengahka jalai alun. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads