Nadai ADUN dichalun ba kerusi Parlimen, ku Abang Johari - Berita Iban Online

Header Ads

  • Baru Nyadi

    Nadai ADUN dichalun ba kerusi Parlimen, ku Abang Johari

    Datuk Patinggi Abang Johari Tun Openg
    KUCHING: Kepala Menteri ti mega Presiden Parti Pesaka Bumiputera Bersatu (PBB) Datuk Patinggi Abang Johari Tun Openg kemari madah, nadai Kaban Kunsil Negeri (ADUN) PBB dichalun bediri minta pilih ba kerusi Parlimen maya Pengawa Bepilih Besai (PRU) ke-14.

    “Aku mega madah pekara ke sama ngagai parti komponen BN bukai,” ku iya.

    Iya madah munyi nya ba aum media pengudah bejadika Aum Pengari Tiga Taun sekali Parti Pesaka Bumiputera (PBB) Pampang Satok di Kuching, kemari.

    Komponen parti Barisan Nasional (BN) Sarawak diarika PBB, SUPP, PRS enggau PDP.

    Taja pia, UPP enggau Teras dua duah parti ke semina bekaban enggau BN.

    Penerang nya deka meri empas ke besai ngagai sekeda pengari rayat.

    Diatu semina dua iku pengari rayat ke nyadi ADUN sereta mega nyadi Kaban Parlimen. Keterubah iya nya Sapit Kepala Menteri Datuk Amar Douglas Uggah Embas, ADUN Bukit Saban sereta Kaban Parlimen Betong. Kedua, ADUN Pakan ti mega nyadi Kaban Parlimen Saratok, Tan Sri William Mawan Ikom.

    Taja pia, Douglas Uggah udah madahka diri enda ngetanka sitak Bukit Saban.

    Tentu pemadah enggau pinta nya nyadi berita ke enda manah ngagai Mawan di Parlimen Saratok.

    Kelimpah ari pemadah nya, PDP mega udah lama ngembuan juluk deka ngambi pulai kerusi nya ari Mawan.

    Nya alai Mawan ke nyadi orang politik ti mayuh peneleba patut ngaga pemutus sekalika majak deka ngenanka parlimen Saratok tauka matak diri. #DayakDaily

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads