Opis perintah enggau peribit patut nyukung aktiviti sekula - Berita Iban Online

Header Ads

  • Baru Nyadi

    Opis perintah enggau peribit patut nyukung aktiviti sekula

    Datuk Talib Zulpilip
    BINTULU: Opis perintah enggau piak peribit patut nyukung aktiviti sekula lalu nyaup sekula ti begunaka bantu lebih agi sekula ke bisi ba nengeri tu.

    Pemantu Pemesai Pelilih Tatau, Mohamad Dino Amid madah, Program Jiwa Murni ambika banding entara pro­gram manah dipejalai nengah ejensi ke bekaul nengah tang­gungpengawa rama korporat (CSR) dikena mantu sekula ti tusah.

    “Ukai semina mantu piak sekula, program tu mega ulih nanggam kaul entara piak sekula enggau piak pengatur program nya,” ku iya.

    Iya madah munyi nya ngarika Menteri ba Opis Kepala Menteri (Integriti enggau Ombudsman) Datuk Talib Zulpilip ba Pengerami Ngelanjarka Program Jiwa Murni Sekula Primari (SK) Tatau ba dewan sekula nya, kemari.

    Berebak enggau nya, Kepala Pengajar SK Tatau, Janudin Ab Rahman be­terima kasih ngagai gerem­pung ukai perintah sereta peribit laban ke udah mantu pengawa ngererak begunan setingkat pra sekula SK Tatau nya nengah Program Jiwa Murnsi pengudah Opis Kereja Raya (JKR) Bintulu ngenuku beguna nya enda likun.

    “Pengudah pengawa nger­erak nya, Opis Pelajar Pelilih Tatau dipadah pengawa ngaga begunan baru enam bilik deka dipejalai pun tahn 2018 nengah Sistem Industri Begunan (IBS).

    “Kitai ngarap nengah pen­gawa ngaga begunan baru tu ulih meri pengelantang eng­gau penyerang ngagai bala nembiak sekula,” ku iya.

    Sama bisi datai ketuai Unit Pemansang PPD Tatau, Ib­rahim Ismail; Ketuai Polis Pelilih Tatau, DSP Denis Bunyam; Chairman Ger­empung Apai Indai enggau Pengajar (PIBG) SK Tatau, Penghulu Sanok Mangai; Pemancha Valerie Manyi Lanyu, bala ketuai opis perintah enggau ketuai raban bansa pelillih Tatau. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads