Ops Selamat Hari Krismas udah berengkah nyentuk 1 Jan 2018 - Berita Iban Online

Header Ads

  • Baru Nyadi

    Ops Selamat Hari Krismas udah berengkah nyentuk 1 Jan 2018

    DCP Dato' Pahlawan Mohd Dzuraidi Ibrahim
    KUCHING: ‘Ops Selamat’ ti digaga Polis Diraja Malaysia (PDRM) beserimbai enggau hari besai, Hari Krismas 2017 berengkah digaga ari kemari ngagai 1 Januari 2018.

    Sapit Kepala Polis Sarawak Dato Pahlawan Mohd Dzuraidi Ibrahim madah operasi tu deka mungkur semua pampang dalam PDRM Kontinjen Sarawak nyengkaum mungkur semua pelilih nengeri Sarawak.

    “Semanjai timpuh Ops Selamat beserimbai enggau Hari Krismas 2017, urung 750 pemesai enggau raban polis Kontinjen Sarawak dikerah betatika pengelikun mensia mayuh di jalai alun nyengkaum rumah ke ditinggal maya mensia mayuh pulai maya hari Krismas,” ku Mohd Dzuraidi.

    Iya madah munyi nya lebuh dikerandau pengudah ngepunka Ops Selamat Beserimbai enggau Hari Krismas 2017 di Jalai Batu Kawa ditu, kemari.

    Entara jalai ke dijaga enggau terit ari raban polis iya nya ba jalai ke suah napi penusah bebadi jalai alun (Black Spot area) sereta ‘hot spot’ pengawa salah beserungkaika rumah, ku iya.

    “Operasyen tu deka digaga bepelasarka chara ‘Total Enforcement’ laban lebuh beratika konsep advokasyen sereta penemu nadai empas ba driba sereta semua pengguna jalai alun.

    “Tu ngambika semua pengguna jalai alun lebih agi betatika pemerat pengelikun sida iya lebuh driba, kelebih agi lebuh hari besai tu ila,” ku iya.

    Kelimpah ari nya, operasyen tu deka betatika kimpin rumah likun, iya nya likun ngagai rumah ke ditinggal ulih mensia mayuh semanjai musim hari besai tu.

    “Kelimpah ari dua pemerat tu, operasyen tu mega deka bekerejasama enggau Opis Lembaga Sungai Sarawak enggau Opis Tasik Sarawak ke sama deka beratika pengelikun mensia mayuh lebuh sida iya pulai ke rumah nengah jalai ai di serata menua tu,” ku iya.

    Nya alai ku iya, minta mensia mayuh meri kerejasama sida ngagai PDRM sereta opis kandang menua bukai, betatika tanggungpengawa sida iya likun.

    “Titihka semua atur PBT ke gawa ngemutarka penyekut trafik lalu driba enggau pengelaju ke likun. Betatika kerita ke dikena kita manah sereta likun dikena sepemanjai pejalai kita.

    “Kemeratka bisi driba nganti kita nyema driba lelak, lalu perambuka jam sereta timpuh pejalai kita,” ku iya.

    Sama bisi enggau ngulu atur pengawa nya kemari, Ketuai Opis Tasat enggau Penguasa Trafik Sarawak, Superintenden Alexson Naga Chabu. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads