Header Ads

  • Berita Tebaru

    Pandikar anang masuk champur ba hak Sarawak

    MANTAH PENEMU MAPAP: Snowdan (duduk tiga kanan) ke disempulang sekeda raban ketuai bagi Nembiak PRS mandangka surat mantah penemu Pandikar di Kuching kemari.
    Sapa iya ti deka mai Kepala Menteri belaban bejaku bejuraika MA63, iya enda seikas penuduk enggau Kepala Menteri.

    KUCHING: Speaker Dewan Rakyat Tan Sri Pandikar Amin Mulia enda seikas penuduk enggau Kepala Menteri Sarawak Datuk Patinggi Abang Johari Tun Openg, ku Ketuai Bagi Nembiak Parti Rakyat Sarawak (PRS) Datuk Snowdan Lawan.

    Nimbal pinta Pandikar ti mai Abang Johari belaban bejaku bejuraika pekara Sempekat Malaysia 1963 (MA63), Snowdan minta Pandikar anang masuk champur ba hak Sarawak.

    “Ba runding kitai (PRS), sapa Pandikar ti deka mai Kepala Menteri belaban bejaku bejuraika MA63.

    “Iya (Pandikar) enda seikas penuduk enggau Kepala Menteri kitai.

    Iya semina dichiri mangku pengawa nyadi Speaker Dewan Rakyat lalu ukai pengari rayat.

    “Semina dichiri nyadi speaker aja,’ku Snowdan ba aum pengarang berita di Indu Opis PRS ke bela digulu sekeda raban ketuai pampang bagi nembiak PRS ditu, kemari.

    Snowdan ke mega ADUN Balai Ringin madah Exco bagi Nembiak PRS enda lantang enggau ulah Pandikar lalu deka meri sukung ngagai Abang Johari ba atur mulaika hak Sarawak nengah MA63.

    Ku iya nambah, MA63 patut diperetika enggau silik ke alai Pandikar (peranak Sabah) ke nyadi luya patut nemu sentang pekara nya.

    “MA63 tu sempekat ke disetuju Sarawak, Sabah, Malaya enggau Singapura (ningkilka diri udah nya) lalu nyadi sempekat ke pemadu besai.

    “Pengudah Ma l ays i a ditumbuh, baru kitai bisi federal konstitusyen.

    Enti nadai MA63, nadai Malaysia lalu pia mega nadai federal konstitusyen,’ku Snowdan.

    Ngenang kaul ke sama, Snowdan pechaya peranak Sabah pan 100 peratus enda setuju enggau Pandikar.

    Tu ketegal Sabah pan bisi hak sida empu nyemaka kitai Sarawak ti meseti dinan tauka dipulai, tandu Snowdan.

    ‘Engka iya (Pandikar) bisi kebuah bukai ungkup pemaik diri ti ngasuh masutka penemu baka nya,’ku Snowdan.

    Kelimpah mai Abang Johari belaban bejaku, Pandikar ba penemu iya sentang MA63 madah hak Sarawak sereta Sabah seikas enggau nengeri bukai di Semenanjung Malaysia ke diperabung federal konstitusyen. #UtusanBorneo

    No comments

    Post Top Ad