Pandikar enda patut agi nyadi Speaker Dewan Rakyat - Berita Iban Online

Header Ads

  • Baru Nyadi

    Pandikar enda patut agi nyadi Speaker Dewan Rakyat

    Tan Kai
    KUCHING: Ketuai Nembiak Parti Sa’ati Rakyat Sarawak (SUPP) Tan Kai, madahka Pandikar ukai patut agi nyadi Speaker Dewan Rakyat laban enda ibuhka mosyen ti dikenatai sereta diterima Kaban Kunsil Negeri sebedau tu.

    Ba aum media ditu kemari, Tan Kai madahka Pandikar ngembuan runding ti jauh tepawah ba pasal sempekat ke disain nyerumba pengawa numbuhka Malaysia 54 taun ke udah.

    “Ulah nanggi Kepala Menteri belaban bejuraika penemu bekaul MA63, Pandikar Amin ukai aja sumbung nganggap sejarah kelia nya nadai reti,” ku iya.

    Ulah nya mega ku iya, mandangka Pandikar enda bebasaka rayat Sarawak sereta enda meretika sentimen orang Sarawak.

    Ba pengerami bejadika Aum Parti Pesaka Bumiputera Bersatu (PBB) di Kuching enggau Limbang empai lama udah, Kepala Menteri ke mega pemangku Presiden PBB ningkah Pandikar sereta madahka ulah iya ke nanggi nya enda patut, baka nembiak mit sereta palui. #DayakDaily

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads