PDP enda sengapa nyerahka kerusi Parlimen Saratok ngagai orang luar - Berita Iban Online

Header Ads

  • Baru Nyadi

    PDP enda sengapa nyerahka kerusi Parlimen Saratok ngagai orang luar

    Datuk Paul Igai
    KUCHING: Parti Demokratik Progresif (PDP) madahka kerusi parlimen Saratok endang kerusi asal ke diempu parti nya ukai enggau mudah diserah sengapa ngagai orang ari luar parti ngambika nyadi chalun ba pengawa bepilih besai ke deka datai.

    Mandal Presiden Kanan PDP, Datuk Paul Igai madah, parti nya udah dua iku chalun ke bepotensi ungkup kerusi nya.

    Taja pan penyandang kerusi nya Tan Sri William Mawan mulaika diri ngagai parti, tang parti enda ngeletakka nama iya nyadi chalun, ku Igai.

    “Kami enda ulih ngeletakka nama iya nyadi chlun ngetanka Saratok, laban ari asal nya endang kerusi PDP,” ku iya.

    Mawan ke mega ex-presiden SPDP udah menang bepilih ba kerusi Saratok dalam taun 2013 udah bekau ngalahka Ali Biju ari PKR.

    Taja pia, kwtwgal penyarut iya pansut ari parti dalam bulan Mei 2014 sereta numbuhka parti baru, Parti Tenaga Rakyat Sarawak (TERAS).

    Taja pia, PDP nyerahka pemutus penuh ngagai ketuai tetinggi Barisan Nasional nentuka chalun bediri ba sitak nya tauka agi ngetanka Mawan.

    “Kami sedia nerima pemutus ke digaga ketuai tetinggi Barisan Nasional (BN) milih chalun parti sereta nemu ketuai tetinggi dalam BN bisi mayuh pilih ngeletakka chalun lalu chalun BN terus siti ari pilih sida,” ku iya. #DayakDaily

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads