Pedagang ba Medan Niaga Simpang Tiga gaga, SEDC setuju ngurangka rega suwa - Berita Iban Online

Header Ads

  • Baru Nyadi

    Pedagang ba Medan Niaga Simpang Tiga gaga, SEDC setuju ngurangka rega suwa

    Medan Niaga Simpang Tiga
    SIBU: Pedagang ba Medan Niaga Simpang Tiga di Jalai Awang Ramli Amit ditu berasai lantang pengudah peminta sida ngurangka rega suwa dipendingka Opis Pe­mansang Ekonomi Sarawak (SEDC).

    Nitihku siku pedagang, Abzai Nizam Sidin, 40, sida nerima notis SEDC lemai ensanus lalu penyampau rega suwa dikurang ngagai RM371 sebulan dibanding RM769.60 sebulan sebedau tu.

    Nitih notis diterima peda­gang, rega suwa baru nya berengkah dititih kena 1 Disember 2017.

    “Berita tu chukup meri pengaga ngagai kami ditu. Dengan kadar sewa yang ba­haru ini, ia sedikit sebanyak mengurangkan bebanan dan meningkatkan pendapatan perniagaan kami.

    “Nya alai, kami meri besai terima kasih ngagai piak SEDC laban udah mendingka sebana enggau peminta kami ngelama tu,” ku iya maya dirandau Utusan Borneo, kemari.

    Berebak enggau nya, iya mega meri terima kasih ngagai Chairman Gerempung Pengintu Pengelantang Ra­ban Bansa Melayu Mengeri Sibu (PKMMBS) Kaunsilor (Kr) Rabek Ali laban udah mantu ngenataika penanggul sida ngagai piak SEDC nyen­tuk tetemuka jalai mutar.

    Abzai mega madah, nengah penyampau rega suwa baru nya dipeda lebih engkeman, engka mayuh agi orang deka ngelawa palan nya udah tu.

    Kenu ku iya, bisi dua iku penyuwa baru deka nampil sida enda lama agi.

    Udah nya, Kr Rabek Ali maya dirandau ngarapka rega suwa nya beretan sampai ke ila-ila.

    Nangkan nya, iya ngasuh piak SEDC ngatur mayuh agi program dikena ngelakuka palan ngagai ngagai mensia mayuh.

    “Bala pedagang patut nambahka kualiti pemeresi pemakai sida awakka orang rindu agi datai ngagai palan nya,” ku iya.

    Dulu ari nya, maya aum media begulai enggau Kr Rabek enggau bala pedagang kena 25 November tu tadi, dia sida minta SEDC mansik baru rega suwa ninting bulan ba palan nya.

    Medan niaga ke dibuka ba taun 2011 nya bisi nyendiaka 12 lot kedai, semina tinggal enam penyuwa lalu sida bukai udah badu ketegal ungku suwa kelalu besai.

    Siku ari pedagang madah iya nengah pupu rata semina bulih asil RM50 sehari, tang nyau bebayarka gaji pengereja pengawa RM30 sehari, bedau nyengkaum puku ninting hari. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads