Pelajarka teknologi digital, rebut dagang chara ‘online’ - Berita Iban Online

Header Ads

  • Baru Nyadi

    Pelajarka teknologi digital, rebut dagang chara ‘online’

    Dato Sri Wong Soon Koh
    SIBU: Raban nembiak patut nguna pengerembai teknologi digital nyerungkai pengawa dagang chara ‘online’ ngambi ulih besemekih ba makit renggat domestik 9 dalam menua) enggau antarabansa.

    Menteri Dagang Antarabansa enggau e-Dagang Dato Sri Wong Soon Koh madah, sida patut nambahka penemu ke dikembuan diatu ngambika setipak enggau pemansang teknologi ekonomi digital kemaya hari tu.

    “Teknologi ekonomi digital tu nyadi pelasar dikena ngatur sereta ngelakuka semua bansa dagang enda ngira adan menua lalu ukai semina ditumpu ngagai makit dalam menua.

    “Dikena besemekih dalam dalam bidang pengawa dagang iya ke beguna amat iya nya raban nembiak patut nguna teknologi digital dalam nambah sereta ngerembaika dagang diri empu,” ku iya.

    Wong mega nangkan raban nembiak patut pintar ngerebut peluang sereta inovatif maya nempa poduk menua tu ngambi ulih dijual ba makit entara bansa.

    “Produk menua tu lebih agi di nengeri tu majak nerima timbal ke manah ari peranak menua luar.

    Kelimpah nya, produk kraf jari, kitai mega ulih ngelakuka produk bukai baka lada enggau gula apong ti endang dikelala ba makit entarabansa,” ku iya maya bejadika aplikasyen MyGas, servis peminta keterubah iya nya sebuah hotel ditu, kemari.

    Sama bisi datai kaban Kunsil Nengeri (ADUN) Dudong Datuk Tiong Thai King, Residen Sibu Hii Chang Kee, penengkebang aplikasyen MyGas, Eric Hung enggau Andy Wong.

    Dalam jaku iya, Wong muji buah penemu Serikat Pelita Laju Sdn Bhd ti udah ngemansangka aplikasyen MyGas lalu nyendiaka servis jaku pandak madah peminta gas sumai chara online “Aku ngarapka pengawa dikereja penengkebang aplikasyen MyGas ulih nyadika chunto ngagai orang dagang biak nyaut penemu Datuk Patinggi Abang Johari Tun Openg dalam transformasyen ekonomi digital,” ku iya.

    Aplikasyen MyGas ulih diambi nengah GooglePlay tauka AppStore dikena penguna minta dianjungka gis ngagai rumah. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads