Pemanah kaul entara pupu bansa patut ditan - Berita Iban Online

Header Ads

  • Baru Nyadi

    Pemanah kaul entara pupu bansa patut ditan

    RIKOD: Christopher nyuaka setipikit MBOR ba program ‘Tarian Tradisional Paling Banyak dalam Satu Acara’ ngagai Harry, seraya dikemataka Adam (dua kanan) enggau Ting (empat kanan).
    MIRI: Semua komuniti di nengeri tu patut ngetanka pemanah kaul enggau pangan diri, meretika bida ke bisi sereta bebasaka pangan diri dikena nentuka pengelantang ke bisi ba pupu bansa ulih ditan.

    Menteri Dagang Temuai, Seni, Main Asal, Nembiak enggau Lumba, Datuk Abdul Karim Rahman Hamzah ngasak pupu bansa di nengeri tu ngambika bela bekerejasama kelebih agi ba pengawa ngatur program tauka aktiviti ti ngaul semua komuniti baka Karnival ‘Taste of Borneo’ ke diatur ditu.

    “Program bansa tu tau negutka agi tanggam kaul ngagai peranak Sarawak, seraya ngelakuka industri dagang temuai ditu,” ku iya.

    Iya mansutka jaku nya lebuh bejaku ngemunka ‘tanda tradisional ke mayuh dibantai dalam siti program’ ti mujur nempa rikod dalam Malaysia Book Of Records (MBOR) rambau karnival nya ke diatur di laman paking kerita Boulevard ditu, malam ensana.

    Jaku iya dibacha Datuk Bandar Miri, Adam Yii, ti ngarika iya. Sama bisi datai Ketuai Pemesai Operasi (COO) MBOR, Christoper Wong;, Presiden Serakup China Sarawak, Ting Pang Soon sereta chairman Karnival ‘Taste of Borneo’, Harry Lee Tian.

    Program nya nempa siti agi sejarah ba pengawa ngatur Karnival ‘Taste of Borneo’ ke diatur begulai Serakup China Sarawak, Serakup

    Kadayan Miri (PKM), Serakup Melayu Miri (PMM), Gerempung Serakup Orang Ulu Sarawak, Malaysia (FORUM), Serakup Sikh Miri enggau Serakup India Miri ti netapka 40 bengkah tanda dibantai ke alai nempa siti rekod baru dalam MBOR.

    Nitih ku Karim agi, pekara ti ngasuh program mai reti besai agi enggau pemisi kerejasama entara ejensi sereta 15 bengkah serakup etnik enggau sekula ti ngayanka piak pengatur datai ari main asal enggau raban bansa ti bebida ulih bekerejasama memanah, ngaga penyelai enggau nempa rikod baru dalam MBOR.

    “Dikena ngaul semua piak ba pengawa ngatur siti program ukai tanggungpengawa ti muntang tang asil kereja iya nya pemadu manah nyema iya mujur lalu deka madahka pengering, pengepuh enggau pengliat ati ngemujurka program besai tu meri peransang sereta ngemegahka aku,” ku iya nambah.

    Nitih ku Karim nampung, nyadi kerejasama keterubah ke bansa nya entara opis menteri iya enggau Majlis Bandaraya Miri (MBM); Pusat Maklumat Islam Sarawak begulai enggau 15 bengkah serakup etnik ke bukai.

    Berebak enggau nya, ku iya, nengah karnival nya mensia mayuh ukai semina peranak di Miri aja tang mega ari luar nyengkaum temuai ari menua luar, bisi awak ngasaika penyamai bemacham pemakai asal ari nengeri tu, kelimpah ari pemakai modem, sereta tanda asal enggau seni sereta pengawa mandangka kraf jari ke bisi dibantaika.

    “Aku andal amat ngagai semua ketuai serakup etnik ti ngambi bagi ngambi neruska kerejasama baka tu dudi hari lalu ngetanka iya sereta ngerembaika agi pangku pengawa kita ngeneguhka agi penyerakup raban bansa tu.

    “Kita tentu deka betapi enggau pemar ti besai agi dudi hari, tang seruran bepegai ba penegap penyerakup kitai lalu gaga pengawa besai agi, begulai tauka sebarang aktiviti ti ngemai kaul pemereti ati ngagai semua kelimpah ngelakuka dagang temuai,” ku iya nerang silik.

    Beserimbai enggau nya, Adam mega bisi ngemendarka agih belanja ari Karim (nengah opis menteri iya) penyampau RM20,000 ngagai piak pengatur dikena mantu pengawa ngatur program nya.

    Dulu agi ari nya, Harry dalam jaku dipansutka iya madahka diri temegah ati enggau pengawa sereta kerejasama semua serakup enggau ‘penari’ sida, ngemujurka atur pengawa tanda asal pemadu mayuh ba siti pengawa dataika ulih ngelampat rekod dalam MBOR, nyerumba karnival nya.

    Ku Harry, pemujur tu enda ulih dijapai enti nadai kerejasama semua serakup, kelebih agi Ketuai Pemesai Eksekutif (CEO) MBOR, Tan Sri Danny Ooi enggau Christopher Wong empu ke bisi datai meri penerang enggau ngajar, nentuka pengawa nitihka peminta MBOR sereta orang ke bisi gawaka pemujur nya, Datuk Hii King Chiong, orang ti melanja Karnival ‘Taste of Borneo’ 2017 ke tembu kena 3 Disember. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads