Pemansang Dayak meri bantu ngagai penanyi Dayak enggau Komposer Ganning Hassan - Berita Iban Online

Header Ads

  • Baru Nyadi

    Pemansang Dayak meri bantu ngagai penanyi Dayak enggau Komposer Ganning Hassan

    Ganning Hassan
    MIRI: Gempung Ukai Dikuasa Perintah (NGO) Dayak, Pemansang Dayak, bisi ngabas seraya nyuaka bantu mata duit ngagai Ganning Hassan, 68 taun, kena Hari Satu tu tadi.

    Ganning ke nyadi penanyi enggau komposer muzik Dayak udah dipasukka berubat ba Sepital Miri ketegal penanggul ba gelung perut kena Hari Minggu lalu udah beputung kena Hari Satu.

    Pemeri tu udah disuaka Ketuai Indu Pemansang Dayak Miri, Eva Bayang, ngagai bini Ganning empu, Sebi Tedung.

    “Taja pemeri tu enda mayuh, kami ngarapka nya ulih ngelempungka tating penusah sida sebilik lebuh ke nyaga Ganning di Sepital Miri,” ku Eva.

    Ganning tebilang nama dalam industri muzik Dayak nengah lagu iya bejudul ‘Kasam Ikan’, ‘Ukai Selatan Tua’ enggau mayuh agi.

    “Kami besampika Ganning jampat gerai, lalu sida sebilik deka nerima mayuh agi bantu maya sida betapi enggau penusah,” ku iya nambah. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads