Pemutus kort nya endang dianti kaban SUPP ngelama tu, ku Robert Lau - Berita Iban Online

Header Ads

  • Baru Nyadi

    Pemutus kort nya endang dianti kaban SUPP ngelama tu, ku Robert Lau

    Robert Lau Hui Yew
    SIBU: Pemutus Kort Tinggi Sibu kemari ti bepiak ngagai Parti Sa’ati Rayat Sarawak (SUPP) bekaul enggau pengempu tiga unit kedai di Jalai Kampung Datu, disambut manah bala kaban parti nya ditu.

    Chairman SUPP Pampang Bawang Assan, Robert Lau Hui Yew madahka pemutus kort nya endang dianti kaban SUPP ngelama tu.

    “Pemutus kort tu endan besiping ngagai semua kaban, kelebih agi kaban lama SUPP ti udah gawaka parti,” ku iya madah ngagai pengarang berita, kemari.

    Sama bisi datai mendingka pemutus nya kemari iya nya Chairman SUPP Bukit Assek, Chieng Buong Toon, Clarence Ting (Pelawan) serrta lebih 20 iku kaban SUPP.

    Komisioner Akim Dean Wayne Daly kemari mutuska tiga unit rumah kedai di Jalai Kampung Datu nya diempu SUPP.

    Tiga unit rumah kedai tu ti nyadi indu opis lima pampang SUPP ditu iya nya Bukit Assek, Pelawan, Nangka, Dudong enggau Bawang Assan, diperebut antara SUPP enggau Twinswood Sdn Bhd.

    Lau ke mega Penyelaras Barisan Nasional (BN) Parlimen Sibu madah, kenyau ari SUPP Sibu pambar dalam taun 2014, beberapa iku ex-kaban parti udah nuntut rumah kedai nya.

    Kenyau ari nya ku iya, kaban SUPP ti meruan dalam parti keran ngetanka rumah kedai nya ti udah nyadi indu opis SUPP Sibu ngelama tu.

    “Tu nyadi pemutus ti manah endar ngagai SUPP Sibu. Kitai ngereja semua tu ungkup kaban parti,” ku iya nerang.

    Ex-chairman Twinswood, Dato Sri Wong Soon Koh lebuhka dirandau madahka iya bebasaka pemutus Kort Tinggi nya.

    Nitih ku Wong, iya ngelempai ba chairman enggau pemegai saham Twinswood ngaga pemutus pengudah tu.

    Tiga unit rumah kedai nya ku iya, diempu Twinswood Sdn Bhd lalu enda ulih dipindah milik ngagai SUPP Pusat.

    Presiden Parti Rakyat Bersatu (UPP) nya madah, ex-Presiden SUPP niang Datuk Patinggi Tan Sri Wong Soon Kai suah udah madah pasal pekara nya.

    Nya kebuah ku iya, nya nyadi siti pengarap ari niang Dr Wong ti patut dititihka.

    Nitihka penerang, tiga unit rumah kedai nya udah direjista atas nama Twinswood Sdn Bhd, enggau 50 pemegai saham kenyau ari taun 1988. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads