Penambah ba skim enggau polisi KWSP berengkah 1 Januari, 2018 - Berita Iban Online

Header Ads

  • Baru Nyadi

    Penambah ba skim enggau polisi KWSP berengkah 1 Januari, 2018

    Kumpulan Wang Simpanan Pekerja (KWSP)
    KUALA LUMPUR: Kumpulan Wang Simpanan Pekerja (KWSP) ngemendarka empat penambah ba polisi enggau skim nya ti deka berengkah dipejalai kena 1 Januari, 2018 ke nyadi sebagi ari pengawa ti seruran dipejalaika KWSP ngangkatmanah sereta nangkup peminta ba peragam bala kaban ti majak tinggi.

    Pekara penambah udah dibantaika rambau penerang media, Ketuai Pemesai Eksekutif KWSP, Datuk Shahril Ridza Ridzuan madahka, “KWSP melabaka tebal agi kaban kitai deka napi pemar ba pengawa nyediaka pinchin sida enggau gintir demografi dramatik ti ditapi di Malaysia enggau dunya, sereta mega penatai revolusyen industri udah tu.”

    Inisiatif besai ti deka dipejalai berengkah ari 1 Januari, 2018 nyengkaum:

    1. Pilih maduka Amanah Raya Berhad (ARB) nyadi penama/pengatur tauka trustee: Bala kaban deka bisi pilih maduka Amanah Raya Berhad (ARB) nyadi penama/pengatur tauka orang ke dipechaya ngagai duit simpan KWSP sida.

    Tu deka ngemuntangka pengawa ngagih duit simpan ti jampat agi sereta lurus ngagai bala kaban sebilik ti semak maya kaban mati. Tu deka ngemai penguntung ngagai kaban enggau anak beumur biak ari 18 taun. Pilih baru tu nyadika tambah ngagai kaban ba hak ke bisi maduka sebarang orang ngatika diri nyadi penama.

    2. Pilih penambah ngagai umur 55 enggau 60 taun ngeluarka bayar: Polisi ngeluar datai ba umur 55 enggau 60 taun udah diangkatmanah sereta dipuntang ngambika bala kaban ti deka ngeluar sebagi ari sebarang penyampau ba sebarang maya, dibanding polisi ke diatu ke semina ngemendar ngeluarka abis mimit RM2,000 sekali tetiap 30 hari.

    Nambahka nya, kaban ke milih deka ngeluar ninting bulan deka ulih ngeluar abis baruh ari RM100 sebulan, dibanding RM250 ba polisi ke diatu.

    KWSP ngansak bala kaban ngena pengelebih Servis Penyanding Penemu Pinchin ti disedia enggau nadai bebayar ba 18 bengkah pampang iya di serata menua.

    3. Polisi Ngeluar ti fleksibel datai ba umur 100, ti ngemendarka bala kaban ngeluar sebarang penyampau ba sebarang maya ungkup setengah ari dikeluar, udah dilanjar manggai umur 100 ari takah umur ke diatu, 75 taun.

    Bala kaban mega tau milih begulaika pengawa ngeluar ninting bulan enggau setengah.

    4. Tambah ba pemaik diterima ari pemati ari umur 55 ngagai 60 taun. Penguntung pemati ke diatu iya nya RM2,500 ulih dipinta nyema mati sebedau umur 55 taun, lalu deka dilanjar manggai umur 60 taun. Pengawa ngangkatmanah tu seriris enggau umur pinchin nasional manggai 60 taun.

    KWSP mega bisi ngemendarka pengawa mida kelas baru penerang ti ngaul penyampau kaban KWSP enggau pengaji berengkah ari suku ketiga (3Q17) ba pemutus operasyen.

    Pengawa mida kelas tu dipejalai dikena mida antara akaun enggau duit simpan sereta sida ti nadai duit simpan (dormant accounts/akaun enda aktif).

    Seraya ba penerang bala pengaji, bida kelas antara sida ti enggau status ‘pengaji’ baka ti udah ditetap dalam Akta KWSP 1991 enggau status pekereja nya empu.

    Sistem pemun penerang KWSP deka dikemaru ngena chara automatik ba sebarang ubah dalam status akaun pekereja enggau pengaji. Pengawa mida kelas penerang enda deka mangka statistik penyampau disimpan tauka dikeluar.

    Penerang silih pasal penambah ba skim enggau polisi berengkah dipejalai 1 Januari, 2018 sereta mega penerang ba pejalai pengawa mida kelas enggau servis sereta produk KWSP, tau ngelawa website KWSP www.kwsp.gov.my tauka telefon nuju Palan Pengatur Randau KWSP ba lumur 03-8922 6000.

    Ba lansa ke bukai, KWSP bisi ngerikodka penyampau simpan dalam suku naka 30 September, 2017, niki 7.87 peratus taun ke taun ngagai RM15.90 bilion ari RM14.74 bilion dalam taun 3Q16, mai semua penyampau diberi bala kaban manggai RM715.97 bilion (diarika statistik bida kelas 13.7 juta iku kaban).

    Pengawa Ngeluar Semua Sekali Umur 60 meda sepenyampau 12,811 iti peminta udah dikemendar, nyengkaum penyampau RM280.66 juta, seraya Pengawa Ngeluar Fleksibel Umur 60 ngerikod 29,712 iti peminta dikemendar enggau penyampau RM662.05 juta.

    Seraya peminta Ngeluarka Fleksibel Umur 55 dikemendar dalam taun 3Q17, nurun 48.11 peratus ngagai 44,976 ari 86,684 iti peminta dikemendar dalam suku ke sama dalam taun 2016.

    Penyampau dikeluar di baruh skim iya nya RM1.80 bilion, dibanding enggau RM2.53 bilion dalam taun 2016 (2Q17: 45,723; RM1.78 bilion).

    Ba peminta dikemendar ungkup Pengawa Ngeluar Semua Sekali Umur 55 dalam suku di baruh skim mega nurun 23.31 peratus ngagai 36,045 (RM2 bilion) ari 46,999 (RM2.29 bilion) dalam timpuh ke sama taun nyin tadi (2Q17: 41,914; RM2.51 bilion).

    Pemayuh tubuh sida ke ngelawa portal myEPF dalam 3Q17 nambah 5.19 peratus ngagai 5.89 juta ari 5.6 juta dalam timpuh ke sama taun nyin tadi.

    Pengawa bekenaka Kiosks KWSP diripot nurun 11.83 peratus ari 3.29 juta dalam 3Q16 ngagai 2.90 juta dalam 3Q17. Pengawa bekenaka i-Akaun nambah 33.19 peratus ngagai 6.04 juta dalam 3Q17 ari 4.54 juta dalam 3Q16.

    Bemacham servis ba e-services ke bisi diatu mega dipadahka bisi kaul pengurang 37.29 peratus ba penyampau sida ke ngelawa kaunter servis KWSP di serata menua ari 1.25 juta dalam taun 3Q16 ngagai 785,526 dalam 3Q17. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads