Header Ads

  • Berita Tebaru

    Penanggul di Marudi deka diputar nengah chara berenggat

    Datu Dr Penguang Manggil
    KUCHING: Kaban Kunsil Negeri Marudi, Datu Dr Penguang Manggil minta rayat ba sitak nya meri peluang ngagai iya mutarka penanggul sida lalu mai pemansang ngagai sitak nya nengah chara berenggat.

    Ku Penguang, iya baru aja nyadi pengari rayat sida pengudah menang ba pengawa bepilih ke sebedau tu.

    “Dalam timpuh ke pandak nya aku nguji enggau naka ulih mai bemacham pemansang nyengkaum baka projek ngaga waterfront Baram enggau dinding tebing sungai nya, ngemanah baru Jalai Miri-Marudi sereta projek bekal ai ba kandang menua Beluru enggau ke bukai,” ku iya.

    Kerejasama rayat mega beguna amat dikena nentuka pemansang ke diberi perintah ulih mujur dipejalaika, ku iya.

    Penanggul peranak di Sungai Peking ke napi jalai ti jai nadai ai beresi enggau elekterik, deka diputarka siti-siti dulu, ku iya. #DayakDaily

    No comments

    Post Top Ad