Header Ads

  • Berita Tebaru

    Penanggul tanah tekerap, ai paip ba Rumah Mandau empai teputar

    Dayak Think-Tank Group (DTTG)
    MIRI: Taja enda jauh ari mengeri besai Miri, urung 73km penyauh, tang peranak Rumah Mandau, Skrat, Suai semak Niah ditu apin bisi bekal ai paip.

    Raban Pemikir Dayak tauka Dayak Think-Tank Group (DTTG) Pampang Miri bisi ngatur pejalai nga-bas rumah panjai nya kena 2 Disember tadi, diuluka sapit chairman iya, Philip Asry, madahka sida udah dipadah pasal penanggul bekal ai beresi ari peranak dia empu.

    Nitih ku iya, ngasuh sida balat asa laban bisi sambung batang paip besai enda jauh ari rumah panjai tang bekal ai beresi lalu nadai disambung ngagai rumah sida.

    Rumah panjai 40 pintu diuan 180 iku, betapi enggau penanggul nadai bekal ai be-resi kenyau ari sida ngentak rumah panjai nya dalam taun 2013, nyentuk sehari tu.

    “Peranak rumah panjai madah ngagai kami sida semina bepanggai ba ai sungai enggau pegung be-semak.

    “Sida ngena injin pam dikena ngepam ai ari pe-gung ungkup guna besehari sehari,” pia ku Philip.

    Kelimpah ari bepanggai ba ai pegung, sida mega nguli-hka ai ari sungai.

    Taja pia, peranak dia deka napi penanggul maya ai sungai keruh kelebih agi pengudah musim pengujan.

    Penanggul tu balat agi mangka maya musim ke-marau ke alai peranak dia ngaku sida ngiga pemansut ai ke bukai, maya kededua pemansut ai (pegung enggau sungai) majak langkang.

    “Bekal ai paip ke beresi nyadi penyikap infrastruk-tur pemun ti beguna endar ngagai peranak di genturng pendiau lalu perengka guna tu mega ti apin dikembuan sida, taja bisi batang paip besai besemak enggau rumah panjai, ngayanka kandang menua nya bisi pemansut bekal ai beresi ari loji,” ku Philip nerang.

    Nangkan nya ku Philip, peranak rumah panjai man-taika sebana ngagai sida ti kala madah ngagai piak bekaul sebedau tu, tang da-taika sehari tu apin teputarka penanggul nya.

    Kelimpah ari penanggul ari beresi, peranak dia mega irauka bisi tanah tusur di belakang rumah panjai sida.

    “Sida irauka pengelikun diri nyema tanah tusur majak balat maya musim landas da-tai sereta sida ngaku diri enda kala jenak tinduk, kelebih agi maya hari ujan,” ku iya madah ngagai Utusan Borneo ditu, kemari.

    Berindik ari nya ku Philip, DTTG ngapil sereta ngarapka piak bekaul enggau pen-gari rayat di kandang menua nya mantu peranak mutarka penanggul sida sereta datai meri bantu ngelempungka tating penusah ti ditapi per-anak dia.

    Sama bisi datai Ketuai Indu DTTG Pampang Miri, Christina Kelit sereta bala komiti ke bukai.

    Ba lansa bukai, pengari Opis Kaban Parlimen (MP) Sibuti (Datuk Ahmad Lai Bujang) madahka projek nyambung bekal ai beresi ngagai Rumah Mandau udah dikemendar di baruh Projek Bekal AI Suai Kompleks Fasa 2, di baruh Opis Bekal Ai Menua Pesisir (JBALB).

    Ku iya, tinda projek nya udah dikeluar lalu diatu semina nganti atur pejalai netapka ungkus projek sereta projek tu dipelaba berengkah digaga dalam bulan Januari 2018. #UtusanBorneo

    No comments

    Post Top Ad