Header Ads

  • Berita Tebaru

    Penembu jematan semin beungkus RM750,000 deka mai pemaik ke peranak Kampung Temiang

    Datuk Francis Harden Hollis
    SRI AMAN: Peranak Kampung Temiang, Batu Lintang Undop, Sri Aman deka bisi sebuah jematan semin baru ti deka dikena meraka Sungai Undop enda lama agi.

    Menteri Muda Pengelantang Komuniti Sarawak, Datuk Francis Harden Hollis, madahka jematan semin beungkus RM750,000 deka meri pemaik ngagai beberapa buah rumah panjai di Kampung Temiang sereta sereta rumah panjai di Batu Lintang.

    Nitih ku iya, kereja ngaga jematan nya benung chakah dipejalai lalu dipelaba deka tembu enda lama agi.

    “Projek ngaga jematan semin tu di baruh agih belanja Projek Transformasyen Menua Pesisir (RTP) ungkup DUN Simanggang,” ku iya lebuh ngabas pejalai projek nya di Temiang Undop, Batu Lintang semak ditu, ensana.

    Harden ke lalu nyadi Kaban Kunsil Nengeri (ADUN) Simanggang mega bisi madahka pengelantang diri meda projek nya deka meri pemaik ngagai rumah panjai di kandang menua Batu Lintang.

    “Penembu projek tu ila, aku pechaya kampung ke bisi di tanah seberai Sungai Undop tu ulih dikemansang enggau bemacham projek betanam betupi peranak ditu.

    “Kebuah pia, ari pemisi jematan tu, peranak ditu ulih ngemai entukar sida ngagai tanah seberai lalu berimbaka tanah ungkup pemansang ekonomi enggau ke bukai. Tu mega deka ngayanka kandang menua Temiang deka mansang baka kandang menua ke bukai,” ku iya.

    Sama bisi nyempulang Harden ngabas projek nya, Injinir Bagi Menua, Opis Kereja Raya (JKR) Sri Aman, Bujang Kanang, Penulung Pemesai Pelilih Sri Aman, Hamdan Katang sereta bala bukai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: