Penemuai beratika teknologi LRT di China ngayan kelai ti nyata - Berita Iban Online

Header Ads

  • Baru Nyadi

    Penemuai beratika teknologi LRT di China ngayan kelai ti nyata

    GUNA JEMAH ILA: Abang Johari beratika perengka dikena ngisi hidrogen iya nya kuasa karan baru ungkup entukar.
    KUCHING: Kepala Menteri Datuk Pat­inggi Abang Johari Tun Openg ngasaika pen­emuai ke China dalam ngerandang kerejasama ngambi ulih ngaduka pejalai LRT ba mengeri besai tu chukup besai reti.

    Kenu ku iya, perintah nengeri benung ngiga kerejasama enggau seri­kat besai dalam ngulihka perengka sereta ker­eban ngaduka pejalai LRT nengah Opis Pemansang Ekonomi Sarawak (SEDC) nyadi ejensi ke megai tang­gungpengawa.

    Iya madah munyi nya lebuh ngatur penemuai ke CRRC Corporation Ltd di Foshan, China begulai enggau serikat bepalan ba perengka ngaga kereta api serikat nya.

    Abang Johari enggau raban deligit iya beke­jang ke Foshan lemai Hari Empat, angkat ari mengeri Wuhan nyadi palan penemuai kepe­nudi ba sekumbang lima hari nya.

    Iya madah, penemuai nya ngayan kelai ke leb­ih nyata bekaul enggau kerejasama dikembuan Sarawak enggau bakih kunsi ke ulih nulung.

    Ma y a ba Wuhan, Kepa l a Ment e r i bi s i nemuai ngagai indu opis FiberHome, penyendia kereban teknologi mak­lumat (IT) tebilang ba China, lau iya bisi dibai nemuai ngagai palan per­engka nya seraya mend­ingka pene r ang pa s a l pejalai servis serikat nya.

    Udah nya, FiberHome nyendiaka kereban IT dikena ngaduka sistem kontrol pejalai kerita api ungkup servis likun sereta enda dikenangi raban pe­numpang.

    Udah nya, iya enggau bala raban ke bela enggau nemuai dibai nemuai nga­gai palan mansang tubuh kerita api.

    Kelimpah nya, maya ba Foshan Iya bepeluang nemuai ngagai palan pe­mandang ti ngayanka hid­rogen nyadi kereban kuasa karan baru ungkup deriba entukar orang periman enggau injin ke bukai.

    Sehari tu, raban delegit deka bekejang ari Shenzen ke Guangzhou lalu nepan kerita api ke chukup laju sebedau mupuk pulai ke Malaysia. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads