Pengawa bejalai bebala mayuh Krismas di Sibu rami - Berita Iban Online

Header Ads

  • Baru Nyadi

    Pengawa bejalai bebala mayuh Krismas di Sibu rami

    Mensia mayuh nedat Dataran Bandar Sibu Fasa 1.
    Begulai berami 
    Sekeda ari mensia mayuh ngambi bagi ba pengawa nya.
    Sebuah ari perengka pengangkut dilagu nyempulang pejalai bebala mayuh.
    SIBU: 'The Greatest Gift' nyadika rambaika jaku nyempulang lebih 10,000 iku raban pengarap Kristin ngambi bagi ba pengawa bejalai bebala mayuh Krismas ti berengkah ari Dataran Bandar Sibu Fasa I ditu.

    Pengawa tu diatur Gerempung Gerija Sarawak (ACS) pampang Sibu lalu betuaika Borneo Evangelical Mission (BEM).

    Ngepunka pengawa, chairperson ACS Pampang Sibu Pastor Ting Leh Na dipebasa ngenataika jaku pengelalu.

    Pengawa bejalai bebala mayuh ti disempulang enggau lagu Krismas ngerichah agi pengawa nya diumbaka gaya hari ke manah enti bida enggau taun-taun sebedau tu.

    Sekeda ari gerija ke ngambi bagi maya tu baka Gerija Roman Katolik, Gerija Methodist, Borneo Evangelical Mission, Gerija Anglikan kelimpah beberapa bengkah gerija di Sibu ditu ke bukai.

    Bela datai maya tu iya nya Kaban Kunsil Nengeri Dudong ti mega Chairman Opis Kaunsil Sibu Datuk Tiong Thai King enggau Residen Sibu Hii Chang Kee sereta bala tuai gerija ke ngambi bagi ba pengawa nya. #UtusanBorneo


    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads