Pengawa soldadu Satu Divisyen chukup manah - Berita Iban Online

Header Ads

  • Baru Nyadi

    Pengawa soldadu Satu Divisyen chukup manah

    Datuk Stephen Mundaw
    KUCHING: Panglima Satu Divisyen Infrantri Mejar Jeneral Datuk Stephen Mundaw mega sama madahka diri temegah ati ngagai penyulut semua raban Satu Divisyen Infrantri.

    “Ketegal pengeransing enggau pemanah budi kita semua sereta komitmen kita semua, aku ngasaika Satu Divisyen Infrantri iya nya ti pemadu manah.

    “Nambahka nya, 2017 iya nya taun ti pemadu manah ngagai kitai semua laban mayuh aktiviti udah dipejalaika enggau mujur,” ku iya.

    Kelimpah ari nya, Stephen madahka raban Divisyen Pertama Infrantri mega mujur ngayanka penyulut sepemanjai bejalaika operasi mantu nyaga pengelikun garis antarabansa di Sabah.

    “Aku chukup temegah ati ngagai kita semua lalu aku meri terima kasih ngagai kita,” ku iya.

    Iya mansutka pekara nya lebuh bejaku ba pengerami nyerumba nyambut Hari Ulang Tahun Satu Divisyen ke-51 di Kem Penrissen ditu, malam ensanus.

    Berebak enggau nya, Menteri Kaunsil Kandang menua enggau Pengawa Berumah Datuk Dr Sim Kui Hian nyadaka jaku puji ngagai komitmen raban Satu Divisyen Infrantri Malaysia ba pengawa nyaga pengelikun enggau pengelantang menua di nengeri tu.

    Iya madahka raban soldadu Satu Divisyen Infrantri udah mayuh meri awak diri empu laban dikena nentuka pengelikun sereta pengelantang enggau pemaik rayat nengeri tu.

    “Aku meri besai terima kasih ngagai semua raban soldadu Satu Divisyen Infrantri Malaysia laban udah bejalaika pengawa enggau chukup manah ke pemaik enggau pengelantang menua ba nengeri kitai tu.

    “Nama ke pemadu beguna, aku ulih meda kita semua gaga malam tu ngerami penyulut enggau pemujur begulai enggau diri sebilik,” ku iya.

    Ba pengerami nya, Dr Sim mega bisi nyuaka pemeri sepenyampau RM10,000 ngagai raban Satu Divisyen.

    Sama bisi datai Kaban Kunsil Nengeri (ADUN) Batu Kitang Lo Khere Chiang, Komander Rejimen 510 Askar Wataniah (AW) Yang Arif Dato Lee Heng Cheong, Komander Rejimen 511 (AW) Kolonal Abang Muhamad Abang Marzuki enggau pemesai ke bukai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads