Pengelantang pendiau bansa Penan semampai dikemerat perintah - Berita Iban Online

Header Ads

  • Baru Nyadi

    Pengelantang pendiau bansa Penan semampai dikemerat perintah

    Hasbi Habibollah
    LIMBANG: Pengelantang pendiau pernak di menua pesisir kelebih agi bansa Penan sigi semampai dikemeratka, pia ku Kaban Ahli Parlimen Limbang Hasbi Habibollah.

    Iya madah, perintah udah ngaga perengka guna nyengkaum jalai alun dikena nyambungka bansa enggau dunya luar.

    Ku iya, perintah mega ngaga sekula di Long Napir dikena nentuka nembiak di menua pesisir bulih pelajar ke sekula ke chukup.

    “langgur pemansang nadaika ninggalka pengelantang pediau bansa Penan tang sida endang deka diintu belama.

    “Sebedau tu mayuh jaku tuduh ari gerempung ukai dikuasa perintah (NGO) ari menua luar ti madahka bansa Penan ditinggal ari arus pemansang. Semua tu enda amat laban perintah nadai kala enda ibuh ke sida,” ku iya

    Ku iya baru, penegap politik ngemudahka perintah ngaga bemacham pemansang nyengkaum di menua pesisir enggau kandang menua ulu.

    Ku Hasbi, perintah semampai mantu bansa nya dalam semua bidang nyengkaum dalam pelajar ngambika sida ulih nampung pelajar nyentuk ke renggat ke tinggi.

    “Perintah nemu semina nengah pelajar aja sesebengkah bansa ulih ngubah nasit sida,” ku iya.

    Iya mega madah, pengawa nanam sawit ti dipejalaika di menua tu siti ari chara perintah ngangkatka ekonomi peranak menua pesisir. #DayakDaily

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads