Header Ads

  • Berita Tebaru

    Penimpang ukai nyadi penanggul mujur dalam pengidup

    UKAI PENEKUL: Mit macha jaku iya nyadi MC ba program ungkup Raban Orang Buta di Malaysia.
    SIBU: Mit Serindin pechaya penimpang ukai nyadika penekul lebuh orang nya bisi pengingin mujur dalam pengidup.

    Beumur 42 taun, udah ngajar di Sekula Primari (SK) Pelajar Khas di Jalai Matang, Kuching kenyau ari taun 2014 pengudah iya mindah gawa ari SK Abang Ali di Sibu, ke alai iya udah ngajar pengelama 10 taun.

    Mit peranak asal ari Rumah Ros di Ulu Sungai Naman, buta ari ada.

    Iya nerima pelajar di SRK Jalai Ong Tiang Swee di Kuching ari taun 1984 ngagai 1989, endur keterubah endur iya ngelala sistem nulis Braille.

    “Aku ulih madahka diri besai enggau sistem Braille. Sistem Braille tu ngasuh aku gagit ari hari keterubah aku berengkah belajar macha enggau nulis,” ku iya lebuhka dikerandau apin lama ke udah, ba sebengkah program Komuniti ungkup Orang Buta di Malaysia ditu, ke alai iya nyadi tuai pengabang ba program nya.

    Ngenang mimit pasal peneleba iya belajarka Braille ku iya, keterubah bisi napi pemar tang iya liat ati sereta keran deka belajarka pengelandik ba sistem nulis enggau nyelak ti ditengkebang pengajar bansa Peranchis, Louis Braille ungkup raban orang buta.

    Ari SRK Jalai Ong Tiang Swee, Mit ngena awak tiga taun udah nya ba SK Pelajar Khas di Jalai Tan Sri William Tan, Kuching berengkah ari taun 1989 ngagai 1991.

    Iya nembuka pelajar Form Satu ngagai Form Enam Atas di SMK Batu Lintang ari taun 2001 ngagai 2003.

    Iya udah nya nampung pelajar ba Kolej Pematih Pengajar di Kuching.

    Ngelansa pasal peneleba iya ngajar, ku Mit, iya udah ngajar nembiak bukai di SK Abang Ali di Sibu.

    “Tating pengawa bebida lebuh ngajar nembiak bukai enggau nembiak guna intu silik. Ba nembiak bukai, aku ngereja pengawa ke sama dua kali.

    “Ambika chunto, lebuh nyediaka kereban belajar aku meseti naip dalam Braille sebedau ngubah iya ngagai urup ABC lalu udah nya minta bantu ari bala staf sekula naip nya baru.

    “Diatu aku ngajar nembiak buta. Peneleba ti chukup bebida,” ku iya.

    “Ngagai sida ti timpang pendiau, aku ngelalau sida anang putus pengarap ba pengawa sida, laban Tuhan seruran nyempulang sida ti bebendar gawa.

    “Mayuh personaliti buta mujur di luar din lalu tentu mega sida bebendar gawa nyapai pemujur,” ku iya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: