Penyerakup pelasar ke pemadu berega dikena nempa pengelantang menua - Berita Iban Online

Header Ads

  • Baru Nyadi

    Penyerakup pelasar ke pemadu berega dikena nempa pengelantang menua

    Dato Sri Wong Soon Koh
    SIBU: Rayat Sarawak patut berati pekara ke manah ba pengawa negapka penyerakup ba mensia mayuh, bansa enggau jalai pengarap, pia ku Menteri Dagang Entarabansa enggau E-Dagang Dato Sri Wong Soon Koh.

    Ku iya, ulah bebasaka pangan diri sereta ulih bebatak asur nyadi pekara ke pemadu beguna dikena nyerakup semua rayat negeri tu.

    “Penyerakup nyadi nadai reti enti nadai pemereti ati, bebatak asur enggau bisi pengarap ati ari rayat pupu bansa,” ku iya.

    Ku Menteri Wang enggau Pemerambu Ekonomi Kedua nya, pengerami ke diatur ninting taun baka Hari Raya, Krismas, Taun Baru Cina enggau Hari Gawai nyadi peluang ke pemadu manah endur nerenak pengelikun, pengelantang enggau penyerakup.

    Penyerakup nyadi siti perais ke pemadu berega sereta nyadi pelasar dikena nempa kaul, ruang bilik, raban bansa enggau menua,” tambah iya. #DayakDaily

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads