Perintah nadai perambu nikika GST pengudah PRU14 - Berita Iban Online

Header Ads

  • Baru Nyadi

    Perintah nadai perambu nikika GST pengudah PRU14

    The Goods and Services Tax (GST)
    KUALA LUMPUR, Nov 30: Penyampau Chukai Barang enggau (GST) enda ditiki taja pan pengudah Pengawa Bepilih Besai (PRU) Ke-14.

    Sapit Menteri Pekara Wang 1, Datuk Othman Aziz netapka pekara nya di Dewan Rakyat, ti madahka penyampau nya enda beginsit ari enam peratus.

    Iya nyaut tanya Wong Chen (DAP-Kelana Jaya) ke deka nemu sekalika perintah bisi perambu nikika penyampau GST ngagai tujuh peratus.

    Ku Othman, bisi sekeda oenemu tindekaka perintah nyerenih baru penyampau ke diatu sereta nikika chukai penguna nya, tang perintah enda ngaga nya.

    “Aku nyemetak madah sekali agi ke alai perintah nadai perambu nikika penyampau GST ari enam peratus, taja pan pengudah PRU14,” ku iya.

    “Engka bisi sekeda orang merambu nya (ditiki) engka ketegal bisi sekeda kebuah. Tang diatu, perintah nadai perambu nyerenih tauka nikika nya jemah ila,” ku iya.

    Sebedau tu penyakal nguji nyaruka rayat nengah chara nyadung pemadah ke alai perintah deka nikika penyampau GST pengudah PRU ila nyema sida menang. #DayakDaily

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads