PKKS mujur nyaup ngurangka ikas penyalah ba Sarawak, ku Fatimah - Berita Iban Online

Header Ads

  • Baru Nyadi

    PKKS mujur nyaup ngurangka ikas penyalah ba Sarawak, ku Fatimah

    Dato Sri Fatimah Abdullah
    KUCHING: Gerempung Polis Komuniti Sarawak (PKKS) nyaup ngurangka ikas penyalah di nengeri tu, ku Sapit Direktor Opis Nyeliah Penyalah enggau Pengelikun Komuniti(JPJKK) Dato Sri Fatimah Abdullah.

    Fatimah madah indek jenayah di Sarawak nurun lima peratus enti dibanding enggau taun 2016.

    “Pemujur lima peratus nya ditempa asil saup raban polis komuniti ti bela bejalaika tanggungpengawa ngelaban keruga jenayah di nengeri tu.

    “Kerejasama Gerempung Polis Komuniti Sarawak enggau opis polis tu sebengkah kerejasama pintar,” ku iya.

    Fatimah mansutka jaku nya ba Program Polis Komuniti JPJKK Sarawak ke diatur di E-Mart Batu Kawa ditu, kemari.

    Bepelasarka pemujur nya, iya dekaka kerejasama pintar nya dipajak ngambi ulih nentuka pengelikun rayat nengeri tu ba ikas tinggi.

    Ku iya, Sarawak nyadi nengeri ke pemadu mujur ba pengawa polis komuniti enti dibanding enggau nengeri bukai.

    “Kerejasama pintar tu dikemerat opis polis lalu udah mujur nyeliah orang jai ngereja jenayah.

    “Polis enggau raban polis komuniti dipeda ba mayuh kandang endur, ngintu pengelikun peranak Sarawak,” ku iya.

    Ba program nya kemari, iya ngelalau Opis Polis Sarawak ngambika seruran nyukung semua pengawa Gerempung Kepolisan Komuniti Sarawak.

    Bela datai Chairman PPKS Datuk John Lau Pang Heng, Ketuai Polis Pelilih Padawan Supt Aidil Bolhassan, Ketuai JPJKK Sarawak SAC Shafie Ismail enggau orang bukai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads