Polis mujur nangkap saspek enchuri tayar enggau kereban entukar - Berita Iban Online

Header Ads

  • Baru Nyadi

    Polis mujur nangkap saspek enchuri tayar enggau kereban entukar

    Superitenden Zulkipli Suhaili
    BINTULU: Ulah siku lelaki menua tu ke ngereja penyalah enchuri tayar enggau ker­eban entukar mujur diketu pengudah saspek ditangkap ba ngerimbai Medan Sentral Bintulu urung pukul10.45 pagi Hari Empat tu tadi.

    Nitihku Ketuai Polis Pe­lilih Bintulu, Superitenden Zulkipli Suhaili, nengah Ops Lejang ke dipejalai raban Opis Pemansik Penyalah (JSJ) Indu Opis Polis Pelilh (IPD) Bint­lu ti betuaika Inspektor Nixon Malang nya, piak sida mujur ngetan sebuah entukar ke ditepan siku saspek beumur 33 taun nya sebedau meresa entukar ditepan saspek.

    “Pengawa meresa nya dipe­jalai lalu sida bisi tetemuka sebengkah kereban pemuka tayar enggau jek hidraulik dipelaba dikena saspek ngere­ja ulah ke jai nya,” ku iya.

    Ku iya, pengudah diperesa silik ba rumah suwa saspek ngerimbai Medan Jaya dia bisi tetemuka empat iti rim kerita bemacham chap dipelaba asil ari pengawa saspek enchuri.

    Saspek berebak enggau nya ngaku suah ngereja pengawa enchuri entukar besemak palan bebeli barang Times­quare, Dewan Suarah, Medan Jaya enggau Palan Kedai Besai Parkcity.

    “Pansik silik mega te­temuka saspek deka nyual baru rim entukar churi nya enggau rega RM50 ngagai RM70 siti udah tayar dijual iya enggau rega RM20 ngagai RM30 sigi,” ku iya.

    Ku iya, saspek deka ditan riman pengelama lima hari berengkah kemari nyentuk 12 Disember tu seraya nganti pengawa pansik.

    Zulkipli berebak enggau nya mega ngasuh mensia mayuh ke bisi lenyau tayar tauka kereban entukar dipinta ngaga ripot ngagai balai polis besemak ngambika pengawa pansik ulih dikelengkas.

    “Aku ngelalau mensia mayuh ke diau ba menua Bintulu anang sengapa meli tayar tauka kereban entukar ke djual murah laban nangika nya barang churi,” ku iya.

    Dipadahka saspek ngem­buan rikod lama bekaul enggau penyalah enchuri motosikal ba Sibu maya taun 2002.

    Kes tu dipansik nitihka Sekyen 379A (1) Kanun Keseksaan lalu enti dikenuku salah ulih kena jil enda kurang ari setaun enggau enda ngelui tujuh laban ba kes penyalah enchuri kereban entukar, udah nya ungkup penyalah kedua iya nya ngibun barang churi nyema dikenuku salah ulih dijil nyentuk lima taun sereta tunggu tauka kededua ukum nya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads