Politics of Federalism - Sabah enggau Sarawak nyadi koloni dalam Malaysia - Berita Iban Online

Header Ads

  • Baru Nyadi

    Politics of Federalism - Sabah enggau Sarawak nyadi koloni dalam Malaysia

    Cobbold John
    KUCHING: Parti Bansa Dayak Sarawak (PBDS) madah ka diri sepenemu enggau jaku ti dipansutka Mandal Presiden Parti Warisan Sabah Darrel Leiking ti nyebut menua Sabah enggau Sarawak nyadi koloni menua Malaya. Darrel ke mega Kaban Parlimen Penampang dulu ari tu bisi mansut ka jaku tanya sekali ka Sabah enggau Sabah nyadi "Equal Partner" dalam Serakup Malaysia tauka semina nyadi dua bengkah menua dibaruh koloni Malaya.

    Presiden PBDS, Cobbold John madah kediri ngembuan tanya ke sebaka ngagai perintah besai menua Malaysia ke diketuai ka Menteri Besai Datuk Seri Mohd Najib Tun Razak. Ba penemu iya, Cobbold madah ka pekara tu bekaul enggau "Politics of Federalism" ke alai menua Sabah enggau Sarawak nyerahka kuasa dibaruh pegai Malaya (Kuala Lumpur) ti nyadi indu menua Malaysia.

    "Kuing Serakup Malaysia diatu udah jauh limpang ari tuju asal penumbuh menua Malaysia 54 taun ke udah. Tu beduduk ari ulah perintah besai Malaya ti berupai nyiping pemansang ba menua Sabah Sarawak", ku Cobbold.

    "Kelimpah, ulah perintah besai ti nurun ka status Sabah Sarawak ari negara ngagai negeri ba taun 1976 mega meri empas besai ngagai Sempekat Malaysia MA63", pia ku iya.

    Cobbold mega melabaka aum Sempekat Malaysia MA63 entara Perintah Sarawak ke masuk renggat kedua diatu semina dikena ngelakuka PRU14 dikena nunjukka BN Malaysia seruran siru ka Sabah Sarawak.

    "Tu wayang politik aja. Memorandum 18/20 Pekara udah netapka ungkup Sabah enggau Sarawak. Tang nama kebuah enda disua ka pulai, sekali ka ungkup dalam sempekat udah nadai agi?" ku Cobbold nyemetak.

    "Tu meh pengepun sentimen S4S ketegal ungkup kuasa otonomi dirampas perintah Malaysia. Perintah Besai Menua Malaysia ti enda likun nyaga sempekat", ku iya nerang

    Ba pekara bukai Cobbold minta Perintah Malaysia kediatu enda ngelebu sereta bebasa ka tuai ke dulu numbuh ka Malaysia baka Tunku Abdul Rahman, Tun Jugah enggau Tun Fuad Stephan. #RapelsonRichardHamit

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads