PPE patut dikemerat dikena nyaga pengelikun lebuh gawa - Berita Iban Online

Header Ads

  • Baru Nyadi

    PPE patut dikemerat dikena nyaga pengelikun lebuh gawa

    Tan Sri Lee Lam Thye
    BINTULU: Tetiap pekereja meseti nemu pemerat Kereban Nyaga Pengelikun (PPE) laban nya nyadi pekara ti nentuka pengelikun sida lebuh ti bisi bebadi ba palan endur gawa, ku Chairman Institut Keselamatan dan Kesihatan Pekerjaan Negara (NIOSH) Tan Sri Lee Lam Thye.

    Ku iya madah, taja mayuh ti madahka bebadi ba palan endur gawa iya nya siti pekara ti suah nyadi, tang pekara tu ulih diseliahka nyema sida ti gawa nya seruran beratika pengelikun sereta ngena PPE.

    “Agi bisi pengaji enggau orang ti gawa enda pedulika pemerat PPE taja pan nya ulih nyelamatka nyawa, kelebih agi ba palan gawa ti ngembuan risiko ke tinggi,” ku iya lebuh aum media pengudah bejadika Seminar Pengurusan Keselamatan dan Kesihatan Pekerja ke digaga ba Balai Kuliah Utama, Palan Latih Teknologi Tinggi (ADTEC) ba Jalai Bintulu-Sibu, ditu kilah ensana.

    Lebuh seminar nya dipejalai pengelama dua hari, program tu udah digulu urung 300 iku pesereta ke mega orang industri dalam bemacham sektor di bagi menua tu.

    Ku iya, sida ti enda nitihka atur ngena PPE baka ke udah ditetapka Akta Keselamatan dan Kesihatan Pekerjaan (OSHA) 1994 deka ditinggang ukum.

    Ku iya, ari baruh Seksyen 15 OSHA 1994, pengaji ke enda tesediaka PPE ungkup pekereja sida ulih diukum RM50,000 tauka dijil paling lama iya nya dua tun tauka kededua sekali.

    Pekereja ke ditemu salah enda ngena PPE mega deka ditinggang ukum ari baruh Seksyen 24 ba akta ti sama, ti deka kena ukum enda lebih RM1,000 tauka dijil enda ngelui tiga bulan tauka kededua sekali.

    “Pengirau NIOSH sentang isu tu udah ngansak kami ngaga seminar bekaul enggau penguji ke ditapi sida pemesai penerit adat dalam bejalaika tanggungpengawa sida meri latih sereta pelajar ungkup sida ti gawa,” ku iya.

    Lee madah, PPE ke dikena ba menua tu patut bulih pemendar ari DOSH nitihka agih belanja ari baruh Akta Kilang enggau Jentera 1967, OSHA 1994 sereta atur ti bekaul.

    “Kebendar nya isu bekaul PPE enda pansut nyema pengaji enggau pekereja nemu pemerat sereta seruran bejalaika gaya pengelikun enggau pengerai pekereja ti manah,” ku iya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads