Raban staf LKIM dipinta seruran ngemeranka konsep ABCDE - Berita Iban Online

Header Ads

  • Baru Nyadi

    Raban staf LKIM dipinta seruran ngemeranka konsep ABCDE

    NYAIN : Saliah (kiba) ngemataka dokumen IBR ba Ayah kepada Ayahtullah (kanan) seraya dikemataka Azmi (belakang) kemari.
    MIRI: Raban staf Kaunsil Pemansang Ikan Malaysia (LKIM) dipinta serurun ngemeranka konsep ABCDE iya nya ‘Amanah, Bijaksana, Cekap, Dedikasi enggau Efisien’ dalam melaksanakan tugasan dan tindakan.

    Pemesai LKIM Zon III Miri, Saliah Mudin madah, konsep nya endang pekara pugu dikena nempa ulah orang gawa perintah ngambi enda teparuk enggau penyalah makai suap enggau salag guna kuasa.

    “Siti pekara ke beguna amat nyadi chuan pemujur organisasyen iya nya integriti enggau pengawa nitihka Sumpah Beresi Ari Makai Suap (IBR) ulih nambahka penyedar enggau ngangkatka agi ulah integriti ba raban staf  LKIM sereta ngemanah agi sistem penerang servis.

    “IBR endang sebengkah insiatif mandangka pengelurus, pemanah, pengeransing gawa enggau juluk servis dalam pengasai gawa ke lantang sereta beresi ari sebarang pengawa makai suap ke pemaik rayat,” ku iya rambau Pengawa Nyain IBR ditu kemari.

    Sama bisi datai  Direktor Unit Integriti LKIM Azmi Othman, Penguasa Opis Penagang Makai Suap Malaysia (SPRM), Ayahtullah Abdula Humair enggau Pemantu Pemesai Kanan Unit Integriti LKIM, Noorazmi Md Ariffin.

    Ku tandu Saliah, LKIM ke nyadi pengerandang pemansang orang berikan enggau industri ikan menua mega bejalaika pengawa ti chukup besai dalam ngemanahka pendiau  sosioekonomi orang berikan sereta ngerembaika pemansang pengawa berikan di menua tu.

    “Mayuh skim bantu, insentif enggau pojek khas ngagai orang berikan ari perintah besai ti dikemujurka LKIM.

    “Entara nya Projek Rumah Orang Berikan, Skim Bayar Elawin Pengidup Diri (ESH), Skim Dilindung Insurans Beraban Berikan, Bayar Insentif Asil Ulih Berikan (IHTN), Tabung Penusah Ngenyit enggau pengelantang Orang Berikan, Skim Diesel enggau Petrol Bersubsidi sereta Bantu Minjau Belanja Berikan,” ku iya.

    Nitihku, chairman LKIM seruran nentuka genap geran agih ari perintah besai dikena bejalaika pengawa enggau manah sereta nitihka atur ke udah ditetap.

    Ba pengawa nya, urung 43 pemesai enggau staf LKIM Zon III Miri bejalaika pengawa macha  IBR betuaika Saliah.

    Pengawa macha enggau nyain IBR nya dikemataka Ayahtullah ngarika Direktor  SPRM Sarawak, Datuk Badrul Shah Norman. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads