Rayat Sarawak ngembuan penyerakup ke tegap - Berita Iban Online

Header Ads

  • Baru Nyadi

    Rayat Sarawak ngembuan penyerakup ke tegap

    Datuk Peter Minos
    KOTA SAMARAHAN: Sarawak ngembuan ulah ke ulih bebatak asur nyengkaum ba jalai pengarap ke tegap.

    Tetiap iku rayat di Sarawak sama begunaka pangan diri sereta manah enggau semua orang ke pemaik.

    Pekara tu diakun orang ari Semenanjung Malaysia ke nganggap Sarawak tu negeri ke nyelai.

    Chairman Majlis Perbandaran Kota Samarahan Datuk Peter Minos lebuh ke bejaku ba Pengerami Mantar Krismas Gerija Methodist di Uni Garden madah, bisi penyerakup asal ba pupu bansa rayat ditu.

    Ku iya, pekara tu udah nempa pengidup ke meruan lalu semua orang berasai lantang sereta gaga ati.

    Bechuntoka sekeda pekara di Semenanjung ti kurang “manah”, Minos nganggap semua nya nadai mantu pengelikun ba pupu bansa, lalu bisi mega sekeda ngeleseika penyerakup ke bisi.

    Minos berasai temegah laban di Sarawak semua pupu bansa ke bebida jalai pengarap ulih duduk begulai makai, ngirup semija.

    Iya ngarapka, pengelikun enggau ulah bebasaka pangan diri nya semampai diterenak lalu nyeliahka pemerat diri ba politik nyengkaum besemekih ba ekonomi ti ulih mambarka penyerakup rayat. #DayakDaily

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads