Rela Serian nerima geran RM30,000 - Berita Iban Online

Header Ads

  • Baru Nyadi

    Rela Serian nerima geran RM30,000

    DINGA MANAH: Riot bejaku ba mua bala mayuh rambau atur program nya.
    SERIAN: Menteri Pengatur Pengereja Pengawa, Dato Sri Richard Riot Jaem kena malam Hari Enam tu tadi udah ngemendarka geran RM30,000 ngagai Raban Volunteer (Rela) Serian dikena sida bejalaika aktiviti.

    Kaban Parlimen (MP) enam penggal Serian minta bala kaban Rela di Serian ngambi terus nyikap diri sereta seruran regas nentuka sida ulih bejalaika tanggung-pengawa enggau meruan.

    “Siti pekara besai endar patut aku sebut iya nya Rela nyadi raban ba rintai mua ba pengelikun menua, aku ngarapka kita deka seruran ngangkatka pemanah ba pekasa pengelandik enggau disiplin,” ku iya rambau Program Pemesai Begulai Enggau Rela enggau Socso Cares di Kampung Mantung Marau semak ditu, lemai Hari Enam tu tadi.

    Ku Riot, Rela bisi bala kaban ti bepenau ba pengelandik beridup.

    Ku iya, ambika chunto, ukai muntang ngatur program baka lemai nya ti ngaul lebih seribu iku kaban, tang bala kaban Rela ngayanka sida ulih ngereja iya.

    Iya mega bisi madah ngagai sida ngambika gawa rat begulai enggau perintah, madahka nyadi raban ‘beruniform’ sida ba pangku pengawa dipebasa enggau bisi integriti.

    “Pekara ti disebut enggau digaga kita nyadi perati mensia mayuh, nya kebuah dipeda ngambika lurus enggau bisi penau gawaka semua renggat komuniti,” ku iya.

    Antara bala ke bisi datai iya nya Direktor Rela Nengeri Rini Tupong enggau Sapit Ketuai Pemesai Eksekutif (CEO) Gerempung Pengelikun Rama, John Riba Marin. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads