Richard Riot pechaya agi dichalun ba Serian maya PRU14 - Berita Iban Online

Header Ads

  • Baru Nyadi

    Richard Riot pechaya agi dichalun ba Serian maya PRU14

    Datuk Seri Richard Riot Jaem
    KUCHING: Datuk Seri Richard Riot Jaem kemari madahka nadai nadai kebuah iya enda dichalun baru ba Pengawa Bepilih Besai Ke-14 (PRU14) tu ila.

    Ku Sapit Presiden Parti Rakyat Bersatu Sarawak (SUPP) nya, iya udah bejalaika pengawa iya enggau naka pemanah sereta semampai betemu enggau rayat nyauka ninting minggu.

    “Kenyau 28 taun ke udah, aku kiruh amat rayat di Serian, nya alai aku berani madahka nadai kebuah aku disilih,” ku iya lebuh dikerandau pengudah bejadi Pengerami Krismas Pekeso di sebuah hotel ditu kemari.

    Iya mega ngarapka diri bulih majoriti undi lebih ba PRU14 tu ila.

    Ditanya bekaul penuduk iya nyadi Sapit Presiden SUPP beduduk ari Gempuru Besai parti ke deka diatue dalam bulan tu, iya ngaku bedau nyengala pasal penuduk nya.

    “Kitai sama nganti 18 Disember tu sekalaika aku bisi disatup maya nya ila,” ku iya.

    Riot menang ba kerusi Parlimen Serian nyadi chalun ngatika diri ba taun calon 1990 sebedau nyadi kaban SUPP ba taun 1995.

    Dalam taun 2010, iya dichiri nyadi Sapit beliau Menteri Luar sebedau ditiki pangkat nyadi Menteri Pengatur Pengereja Pengawa ba taun 2013.

    Dalam tusun parti, iya dipadu nyadi Sapit Presiden SUPP ba taun 2011, berindik ari penyarut ke nyadi dalam parti nya sereta nyadi Bumiputera keterubah mangku penuduk nya. #DayakDaily

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads