Sarawak benung ngemanahka sistem peneras arus internet - Berita Iban Online

Header Ads

  • Baru Nyadi

    Sarawak benung ngemanahka sistem peneras arus internet

    NAPI PEMANSANG EKONOMI DIGITAL: Abang Johari lebuh ti bejaku ba aum pengarang berita pengudah ngelanchar Sistem Kabel Rakyat 1Malaysia ditu, kemari.
    KUCHING: Sarawak nagit ulih ngangkatka sistem tulang belakang komunikasyen manggai kapasiti lima tauka enam Terabit sesikin (Tbps).

    Kepala Menteri Datuk Patinggi Abang Johari Tun Openg madah kapasiti ba penyampau nya chukup dikena nangkup pinta guna internet ditu ke alai Sarawak diatu udah ngalih ngagai ekonomi digital.

    “Tagit aku iya nya ba lima nyentuk ngagai enam Tbps ngambika arus internet deras lalu enda tejanggal,” ku iya ba aum pengarang berita pengudah ngelanchar Sistem Kabel Rakyat 1Malaysia ditu, kemari.

    Dikena nentuka atur ubah ekonomi digital dilengkaska, Abang Johari madah perintah ngadu kerejasama enggau Telekom Malaysia Berhad (TMB) sereta Suruhanjaya Komunikasi enggau Multimedia Malaysia (MCMC).

    Kerejasama nya ku iya deka nyendia arus internet ke deras ngagai semua peranak nengeri tu.

    Berindik enggau nya, Abang Johari madah pelin besai ungkup timpuh lima taun deka dipekungsi enggau TM sereta MCMC, enggau tuju ngenegap pekara digital Sarawak (2017-2022).

    Ba aum pengarang berita ke sama, Chairman TM Tan Sri Dr Sulaiman Mahbob madah TM gaga diberi peluang ngadu kerejasama enggau perintah Sarawak ba atur ngelengkas ubah ekonomi digital.

    SKR1M ku iya mandangka sukung TM ngagai inisiatif perintah ti keran ngangkatka kapasiti arus internet di menua tu.

    TM mega deka ngangkatka akses fiber nengah Unifi ngagai mensia mayuh sereta pengawa dagang baka ke e-dagang enggau e-rezeki munyika dipadah kepala menteri.

    Naka ke diatu TM bisi 500,000 orang nguna Unifi ke alai TM nagit nambah penyampau nya sereta akses ngagai ruang bilik sereta ungkup guna ba pengawa dagang. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads