Sebuah kapal pematau disedia nengah DBOS - Berita Iban Online

Header Ads

  • Baru Nyadi

    Sebuah kapal pematau disedia nengah DBOS

    TEKNOLOGI BARU: Abang Johari (dua kanan) nguji teknologi Kapal KM Sri Aman tauka ke dikumbai New Generation Patrol Craft.
    KUCHING: Perintah Nengeri nengah Bank Pe­mansang Sarawak (DBOS) deka nyendiaka belanja (lun) ngagai Maritim Ma­laysia (APMM) dikena ngaga kapal pematau.

    Kepala Menteri Datuk Patinggi Abang Johari Tun Openg madah Maritim Ma­laysia bisi ngenataika pinta sentang pekara nya lalu udah disetuju Perintah Nengeri.

    “Kitai ulih mantu sereta nguna duit ari DBOS ngaga kapal pematau nya tang Perintah Besai meseti mayar utang nya baru,”ku iya.

    Abang Johari mansutka jaku nya rambau bejadi Majlis Pengoperasian Kapal KM Sri Aman di Jeti Maritim Sarawak di Komplek Tun Abang Salahuddin Muara Tebas ditu, kemari.

    Iya pechaya kapal nya ila deka mantu Ijinsi Penerit Adat Maritim Malaysia Sarawak (APMMS) matau kandang tasik Sarawak eng­gau engkeman agi.

    Ku iya, atur nya mega ulih nyaup ngangkatka ekonomi Sarawak ari asil berikan.

    “Suah mega aku macha ba surat kabar diak orang beri­kan ari menua luar berikan di kandang tasik kitai.

    “Reti nya kandang tasik Sarawak tu ngembuan may­uh ikan lalu enti ulah orang berikan ari menua luar tu enda diintu, kitai rugi.

    “Berindik enggau nya ki­tai ngarap APMMS bejalaika tanggungpengawa sida, tangkap aja orang berikan ari menua luar ti berikan di kandang tasik kitai,”ku iya nandu.

    KM Sri Aman sebeng­kah kapal pemantau jeman baru tauka New Genera­tion Patrol Craft (NGPC) ke nyadi aset baru Maritim Malaysia.

    Digaga nengah ungkus RM70 juta ba pemanjai 44 meter sereta buka 7.7 meter, KM Sri Aman ngembuan pemerat 297 tan metrik sereta ulih belayar penge­lama 10 hari.

    Kapal disikap enggau UAV Drone ke ulih terbai pengelama 6 jam ba penyauh 800km nyadika kapal nya ulih matau kandang tasik Sarawak enggau engke­man.

    Kelimpah ari nya, kapal mega disikap enggau me­riam ASELSAN SMASH 30mm enggau injin die­sel (12V400m73) lalu ulih matau minyak ke tiris ba tasik.

    Bela datai Sapit Kepala Menteri Datuk Amar Doug­las Uggah, Ketuai Direktor Maritim Malaysia Dato Sri Zulkifili Abu Bakar enggau Direktor Maritim Sarawak Laksamana Ismaili Bujang Pit. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads