Sebuah rumah ba Bukit Melaban lengis empa api - Berita Iban Online

Header Ads

  • Baru Nyadi

    Sebuah rumah ba Bukit Melaban lengis empa api

    Raban Pengerara Api enggau Penyah Penusah (Bomba) benung ngemadamka api.
    SARIKEI: Lapan iku diri sebilik nadai agi endur diau pengudah rumah kayu sida di Bukit Melaban, Sare (semak SK Andin), urung 18 kilometer ari ditu, lengis diempa api ba penyadi angus pagi kemari.

    Penusah tu dipadahka nyadi urung pukul 10.30 pagi lebuh kesemua sida sebilik nadai di rumah.

    Nitih ku Ketuai Opis Raban Pengerara Api enggau Penyah Penusah (Bomba) Pelilih Sarikei, Suna Kaha, iya dipadahka pengempu rumah nya, Wong She Ping, 44 taun benung di pasar Sarikei, lalu bini iya, Kelini Ambu, 41 taun, benung ba kebun.

    Bala anak sida sereta menantu indu mega udah mindah ke bukai, ku iya nambah.

    Ku Suna, berindik ari kangau ngenyit ti diterima urung pukul 10.38 pagi, sida ngerah tujuh iku raban enggau siti injin sereta dua iku kaban ba entukar Emergency Medical and Rescue Service (EMRS) ngesah palan penusah.

    Lebuh sida datai ba endur penusah nyadi, api udah nganguska rumah nya, ku Suna, seraya nambah, sida semina nulung ngerara api lalu operasyen diketu pengudah penusah mujur diputar. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads