Semua patut ampit geran, kelai basa ngagai rayat - Berita Iban Online

Header Ads

  • Baru Nyadi

    Semua patut ampit geran, kelai basa ngagai rayat

    Datuk Dr. Sim Kui Hian
    KUCHING: Gerempung di nengeri tu nyengkaum gerempung ke ukai dikuasa perintah (NGO) meseti mantu perintah ngambi ulih nentuka semua bantu diagih enggau manah lalu pulaika pemaik rayat.

    Menteri Opis Kunsil Kandang Menua enggau Pengawa Berumah, Datuk Dr. Sim Kui Hian madah perintah enda kala melakangka rayat, gerempung enggau NGO ke alai bejuta ringgit diberi dikena ngadu pengawa.

    “Perintah nengah pengari rayat sereta bala menteri udah meri geran ngagai gerempung enggau NGO ninting taun ngambi ulih dikena ngadu pengawa ungkup pemaik rayat.

    “Bantu tu diberi ngagai semua enda ngira bansa enggau jalai pengarap, bela diberi iya nya gerija, tepikong, masjid, kuil, sekula sereta ke bukai,”ku iya.

    Dr Sim mansutka jaku nya ba pengawa nyuaka geran ngagai 44 gerempung enggau NGO di Indu Opis SUPP ditu, kemari.

    Iya ke mega ADUN Batu Kawa madah ba taun tu, penyampau 1,819 gerempung udah nerima geran ari iya.

    Ku iya nambah, ba taun tu iya bisi RM9 juta geran nengah pangku pengawa pengari rayat, menteri enggau senator ti deka diagih.

    “Aku enggai empelita nguna geran tu baika nya ungkup diri, beri ngagai orang tauka ngagai parti politik.

    “Geran tu deka diagih enggau manah lalu nyadi tanda basa ngagai rayat ti udah meri sukung,’ ku iya.

    Geran tu enda tau diguna sengapa ketegal tu duit rayat lalu meseti dipulaika ngagai rayat, tandu Dr Sim. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads