Header Ads

  • Berita Tebaru

    Sistem ‘Digital Scanning’ ngemuntangka pengawa Imigresyen

    Datuk Patinggi Abang Johari Tun Openg
    MIRI: Sistem ngechop paspot ke diatu ba semua CIQ deka tinggal kenang aja pengudah kededua perintah Malaysia enggau Brunei bejalaika pengawa ‘Digital Scanning’ lalu penerang udah bisi dalam sistem Imigresyen lebuh ba pintu penama keterubah.

    Kena 1 November, Kepala Menteri (KM) Datuk Patinggi Abang Johari Tun Openg udah ngelancharka pengawa nasih tanah projek Jematan Limbang kedua di Pabahanan dalam kandang menua Ranggau Valley Development madahka iya dekaka bala temuai ti deka nuju enggau ari Brunei tama nengah kededua menua tu enggau nadai mayuh kelikuh.

    Sarawak mai pekara tu ngagai Menteri Besai Dato Seri Najib Razak ngambika dikerandau enggau Sultan Brunei dalam aum perintah di Brunei apin lama ke udah.

    Sapit Kepala Menteri enggau Kaban Kunsil Nengeri (ADUN) Bukit Sari, Datuk Amar Awang Tengah Ali Hasan madahka iya enggau Kepala Menteri udah meri penerang ngagai Menteri Besai senentang peminta peranak Sarawak.

    “Menteri Besai enggau Kepala Menteri udah nya terebai ngagai Brunei ngulu aum tu seraya aku tinggal bejadika pengawa WIFE, lalu kami berasai lantang ati laban Sultan udah setujuka pejalai lanchar ti diperambu enggau sistem teknologi digital,” ku iya.

    Kepala menteri madah ngagai iya pasal pemutus nya pengudah pemulai iya ari Brunei lalu madahka iya nyangka deka datai dalam taun baru pengudah Menteri Besai enggau Sultan Hassanal Bolkiah setuju bejalaika sistem tu ti udah dipejalaika di menua Kesatuan Eropah.

    Isu lapan taun pengelama udah diputar enggau pesetuju ari Sultan, pemutus ngasuh iya gaga ati sereta sida ke diau di Sabah enggau Sarawak.

    Kaban Parlimen (MP) Limbang Hasbi Habibolah udah bejalai nemuai meri basa keterubah enggau nadai suah ngechop paspot entara Limbang enggau Brunei, ke mega merambu ngagai perintah nengeri enggau perintah besai ngemai pekara nya ngagai perintah Brunei.

    Siku temuai ari Miri ngagai Sabah deka dipinta Immigration clearance di CIQ Sungai Tujuh, Tedungan/Kuala Lurah, Pandaruan enggau Mengkalap sereta Merapok muak ke menua Malaysia.

    Sida ti suah bejalai matau menua ngena passport biru Malaysia ti bisi tatak pejalai lalu ukai nya pasport antarabansa Malaysia  laban suah dichop tetiap kali pejalai mansa CIQ. #UtusanBorneo

    No comments

    Post Top Ad